आशाताई बच्छाव
संग्रामपूर तालुक्यात बंदुकीचा धाक दाखवत महिलेच्या……; आरोपी पोलिसांच्या ताब्यात
युवा मराठा न्यूज संजय पन्हाळकर बुलढाणा जिल्हा ब्युरो चीफ
संग्रामपूर :-बुलढाणा महाराष्ट्रातून मध्य प्रदेशकडे जाणाऱ्या रस्त्यावरील करोली घाटात चारचाकी अडवत बंदुकीचा धाक दाखवून महिलेच्या अंगावरील दागिने लुटल्याची घटना दि.२ जुलै रोजी रात्री घडली आहे. या घटनेतील लुटणाऱ्या संग्रामपूर तालुक्यातील चार आरोपींना मध्य प्रदेश पोलिसांनी बुधवारी अटक केली. संग्रामपूर तालुक्यातील वरवट बकाल येथील ५४ वर्षीय महिला अनुपमा संतोष गुडगील्ला ही महिला चारचाकी मध्य प्रदेशमधील बडवाह येथून रात्री 8 वाजता करोली घाटातून घरी परत
वाहनासमोर तोंडाला काळे रुमाल बांधलेले चारजण आडवे आले. व त्यांनी चालक वानरे यांच्या कानपट्टीवर बंदूक ठेवून चालकाच्या बाजूला बसलेल्या महिलेच्या गळ्यातील सोन्याची चेन किंमत ३५ हजार रुपये, मंगळसूत्र किंमत ८८ हजार रुपये असे एकूण १ लाख २० हजार रुपये हा मुद्देमाल लुटून पोबारा केला. घटनेची फिर्याद मध्य प्रदेशातील शहापूर ठाण्यात देण्यात आली. अज्ञात आरोपीविरुद्ध गुन्हे दाखल करून तपास सुरू करण्यात आला होतो. तपासा दरम्यान संग्रामपूर तालुक्यातील रिंगनवाडी येथील मुख्य आरोपी प्रशांत रावनकार (३०) याला ताब्यात घेतले. साथीदार असलेला दत्ता शंकर लोणे, अविनाश हरिभाऊ झोपे, (दोघे रा. अकोली), तर अमोल सोळंके (रा. निवाना, ता. संग्रामपूर) या चौघांनाही ताब्यात घेतले आहे. आरोपींनी कडून सोन्याचे २५ ग्राम मंगळसूत्र व घटनेत वापरलेली देशी पिस्तूल व दुचाकी जप्त केल्याची माहिती आहे.