आशाताई बच्छाव
१८६० पूर्वी स्थापित साकोली ‘जनपद’ केंद्रीय शाळेसाठी सरसावले मुख्याधिकारी
शाळेत मुलांना खेळण्याचे साहित्यासाठी शाळा व्यवस्थापनचे निवेदन
संजीव भांबोरे
भंडारा (जिल्हा प्रतिनिधी)साकोली येथे सन १८६० च्या पूर्वीची स्थापना असलेली भंडारा जिल्ह्यातील दूसरी सर्वात जूनी व आजची फिनीक्स भरारी घेतलेली जिल्हा परिषद केंद्रीय उच्च प्राथमिक शाळा क्र ०१ गणेश वार्ड साकोली या शाळेत मुलांच्या हितासाठी व्यायाम साहित्य लावण्यात यावे. असे निवेदन शुक्रवार १२ जुलैला शिक्षक व शाळा व्यवस्थापन समितीने नगरपरिषद मुख्याधिकारी मंगेश वासेकर यांना दिले. त्यांनी याची तात्काळ दखल घेऊन येथे लवकरच ही सुविधा लागणार असल्याचे ठाम आश्वासन दिले. कारण मुख्याधिकारी मंगेश वासेकर हे स्वतः बालपणी शासकीय जिल्हा परिषद शाळेतील विद्यार्थी असून शासकीय शाळेसाठी ते सरसावले आहेत हे उल्लेखनीय.
साकोली शहरातील गणेश वार्ड स्थित जिल्हा परिषद केंद्रीय उच्च प्राथमिक शाळा क्र. ०१ ( सेमी इंग्लिश ) ही ५२ शाळेंचे नेतृत्व करणारी एकमेव सर्वात जूनी जनपद शाळा आहे. आज येथील पटसंख्या २५० च्या जवळपास भर घेत आहे. मात्र येथील ढिसाळ जिल्हा परिषद कारभारामुळे या शाळेला पाहिजे तेवढे ऐश्वर्य मिळाले नाही. या शाळेत मुलांना शारीरिक व्यायाम, सौंदर्यात बालोद्यान निर्माण करण्यासाठी येथे लोखंडी खेळण्याची साहित्य नगरपरिषदेने द्यावे यासंदर्भात मुख्याधिकारी मंगेश वासेकर यांना येथील मुख्याध्यापक डि. डि. वलथरे, सहा. शिक्षक टि. आय. पटले, शाळा व्यवस्थापन समिती अध्यक्ष प्रकाश कोवे, सदस्य व शाळा प्रसारणचे आशिष चेडगे यांनी निवेदन सादर केले. शिक्षक व सदस्यगणांच्या चर्चेत मुख्याधिकारी मंगेश वासेकर यांनी याची तात्काळ दखल घेतली. आणि लवकरच या मुख्य शाळेत मुलांना शारीरिक व्यायाम करण्यासाठी लोखंडी साहित्य लावण्याचे आश्वासन दिले. व एकदा या १८६० पूर्वीची स्थापित जिल्ह्यातील दूस-या ऐतिहासिक शाळेला लवकरच आम्ही भेट देणार असल्याचे त्यांनी सांगितले. या मुख्याधिकारी यांच्या तात्काळ निर्णयाचे शाळा व्यवस्थापन समिती, माता पालक समितीने व जिल्हा परिषद शिक्षकवृंदांनी त्यांचे सहर्ष अभिनंदन केले आहे.