अंगारकी चतुर्थी निमित्त जालना ते राजुर वाहतूक मार्गात बदल पोलीस प्रशासनाचा निर्णय.

आशाताई बच्छाव

अंगारकी चतुर्थी निमित्त जालना ते राजुर वाहतूक मार्गात बदल पोलीस प्रशासनाचा निर्णय.
तालुका प्रतिनिधी जाफराबाद -मुरलीधर डहाके
दिनांक /२३/०६/२०२४
याविषयी सविस्तर वृत्त असे की, मंगळवार दिनांक २५/०६/२०२४रोजी अंगारकी चतुर्थी निमित्त पोलीस ठाणे हसनाबाद हद्दीतील मौजे राजुर तालुका भोकरदन येथे दिनांक अंगारकी चतुर्थी निमित्त श्री गणपती दर्शनासाठी मोठ्या प्रमाणावर भाविक मराठवाडा, खानदेश, विदर्भ येथून येतात. तसेच जालना शहरातून व भोकरदन, जाफराबाद भागातून मोठ्या प्रमाणात श्री पुरुष ,आबालवृद्ध लहान मुले पायी दर्शनासाठी येतात. मग तीर्थक्षेत्र स्थळास महाराष्ट्र शासनाने पर्यटन स्थळाचा दर्जा दिला असल्याने भाविकांची गर्दी राहणार आहे. त्याअर्थी महाराष्ट्र पोलीस अधिनियम १९५१ ची कलम ३६ अन्वेय मला प्रदान करण्यात आलेल्या शक्तीचा वापर करून मी अजय कुमार बन्सल पोलीस अधीक्षक, जालना याप्रमाणे खालील आदेश देत आहे. पोलीस ठाणे हसनाबाद हद्दीतील मौजे राजुर तालुका भोकरदन येथे दिनांक २५/०६/२०२४ रोजी अंगारकी चतुर्थी निमित्त श्री गणपती दर्शनासाठी येणारे भाविकांची गैरसोय होऊ नये तसेच अनुचित प्रकार टाळण्यासाठी वाहतूक व्यवस्था सुरळीत राहावी व वाहतुकीची कोंडी होऊ नये व कायदा व सुव्यवस्था सुरळीत राहावी म्हणून या दृष्टिकोनातून राजुर तालुका भोकरदन कडे वाहनांचे वाहतुकीत अंशतः बदल करण्यात येत आहे. 1) भोकरदन चौफुली जालना येथून राजुर भोकरदन कडे जाणाऱ्या जड वाहनधारकांनी (भक्तांचे वाहने वगळून) आपली वाहने देऊळगाव राजा, जाफराबाद, माहोरा, भोकरदन मार्गाने जावे. 2) भोकरदन शहरातील छत्रपती शिवाजी महाराज यांचे पुतळ्यापासून राजुर जालना कडे येणाऱ्या जड वाहनधारकांनी माहोरा, जाफराबाद, देऊळगाव राजा या मार्गाने जावे. वरील मार्गाची जड वाहतूक दिनांक २४/ ०६/२०२४ रोजीचे १०.०० वाजे पासून दिनांक २६/०६/२०२४ रोजिचे ०२.०० वाजे पावेतो बदल करण्यात आलेला आहे. तरी सर्व वाहनधारकांनी याची नोंद घ्यावी. सदरचा आदेश दिनांक२४/०६/२०२४ रोजीचे १०.०० वाजे पासून दिनांक २६/०६/२०२४ रोजीचे ०२.०० वाजे पावेतो अंमलात राहील. सदरचा आदेश मी अजय कुमार बन्सल पोलीस अधीक्षक, जालना माझ्या सही शिक्या निशी दिनांक २०/०६/२०२४ रोजी जारी केला आहे.