आशाताई बच्छाव
सोनई, शिंगणापुरात पोलिसांचे पथसंचलन
सोनई, (कारभारी गव्हाणे तालुका प्रतिनिधी)ता. १६ बकरी ईद सणाच्या पार्श्वभूमीवर कायदा व सुव्यवस्था अबाधित राहावी, याकरीता सोनई, शनिशिंगणापूर, वडाळा व घोडेगाव येथे दोन अधिकारी व चाळीस पोलिस कर्मचाऱ्यांनी पथसंचलन केले.
पोलिस निरीक्षक खगेंद्र टेंभेकर व सोनईचे सहायक पोलिस निरीक्षक अशिष शेळके यांच्या मार्गदर्शनाखाली
हे संचलन करण्यात आले. पोलिस ठाण्याच्या हद्दीतील सर्व ग्रामस्थांना आनंद व उत्साह साजरा करताना जातीय सलोखा जपला जावा, असे आवाहन त्यांनी केले. तसेच नवीन कायद्याचे प्रशिक्षण म्हणून शनिशिंगणापूर येथे कार्यशाळा घेण्यात आली. दोन्ही पोलिस ठाण्यांतील सर्व हवालदारांना मार्गदर्शन करुन सूचना करण्यात आल्या.
