आशाताई बच्छाव
जुगार अड्ड्यावर छापा, आठ जणांवर गुन्हा दाखल; तब्बल ‘इतक्या’ हजारांचा ऐवज जप्त
युवा मराठा न्यूज मोताळा तालुका प्रतिनिधी संजय पन्हाळकर
मोताळा :- तालुक्यातील बोराखेडी पोलिस ठाण्याअंतर्गत येत असलेल्या भाडगणी शिवारातील शेतात जुगार सुरू असल्याची गोपनीय माहिती बोराखेडी पोलीसांना मिळाली होती. त्या माहितीच्या आधारावर ३० मे रोजी बोराखेडी ठाणेदार सारंग नवलकार यांच्या मार्गदर्शनात बोराखेडी पोलिसांचे पथक तयार करण्यात आले. या पथकाने ३० मे रोजी जुगार अड्डयावर छापा टाकला. यावेळी येथे पिंपळखुटा येथील कैलास सुखदेव उमाळे, जळगाव जामोद येथील शे. याकूब शे. रऊफ, भास्कर काशीराम येवुल, सैय्यद निजाम सैय्यद उस्मान, शे. कलीम शे. अजीज, दाताळा येथील दिलीप मारोती बावस्कर, भाडगणी येथील गौतम रामधन राणे, उमाळी येथील बाबुसिंग गुलाबसिंग चव्हाण या आठ जणांना जुगार खेळतांना ताब्यात घेतले. त्यांच्याकडून १२ हजार ३१० रुपये नगदी, ७ दुचाक्या व एक चारचाकी वाहनसह ३ लाख ५७ हजारांचा मुद्देमाल जप्त करण्यात आला आहे.
यांनी केली कारवाई..
बोराखेडी पोलीस स्टेशनचे ठाणेदार सारंग नवलकार यांच्या मार्गदर्शनाखाली सपोनि राजवंत आठवले, पोलिस हेडकॉन्स्टेबल नंदकिशोर धांडे, नायक पोलिस कॉन्स्टेबल विजय पैठणे, मंगेश पवार, पोलिस कॉन्स्टेबल श्रीकांत चिंचोले, गणेश बरडे, आकाश यादव, गणेश सूर्यवंशी यांचा समावेश होता.