आशाताई बच्छाव
नव्या शैक्षणिक सत्रासाठी शिक्षक विद्यार्थ्यांच्या शोधात ! गावागावांत मारताहेत चकरा : पालकांना भेटून प्रवेशासाठी करतायेत विनवणी
युवा मराठा न्यूज मोताळा तालुका प्रतिनिधी संजय पन्हाळकर बुलढाण
बुलढाणा जिल्ह्यातील अनेक जि. प. शाळांनी कात टाकली असली तरी काही शाळा ओस पडण्याच्या मार्गावर आहेत. अशा शाळांसाठी शिक्षक आता पहिल्या वर्गात प्रवेश घेण्याचे वय झालेल्या विद्यार्थ्यांच्या शोधात असून काही खासगी शाळांतील शिक्षक त्यासाठी फिरत असल्याचे चित्र आहे.जिल्हा परिषद शाळेचा निकाल मे महिन्याच्या १ तारखेला लागला आहे. या शाळेतील विद्यार्थी एका वर्गातून दुसऱ्या वरच्या वर्गात गेलेले आहेत. त्यामुळे खालचा वर्ग रिकामा झालेला आहे. परिणामी विद्यार्थ्यांच्या शोधात शिक्षकांची भटकंती सुरू झाल्याचे चित्र आहे.आपल्या शाळेतील पहिल्या वर्गामध्ये जास्तीत जास्त विद्यार्थ्यांचा प्रवेश व्हावा, या हेतूने शिक्षक हे गावोगाव फिरून विद्यार्थ्यांचा शोध घेताना आपल्याला पाहायला मिळत आहेत. जिल्हा परिषदेच्याच नव्हे तर काही खासगी शाळांचेही शिक्षक यासाठी फिरत असल्याचे चित्र आहे. अनेक जिल्हा परिषद शाळांतील विद्यार्थ्यांची पटसंख्या खूप कमी झाली आहे. आपल्या विद्यार्थ्यांची संख्या वाढावी, या हेतूने शिक्षक विद्यार्थी शोधत आहेत.
यामध्ये पहिलीच्या वर्गात नवीन विद्यार्थ्यांना प्रवेश देण्यासाठी शिक्षक मुलांच्या पालकांच्या घरोघरी जाऊन पालकांना समजावून शाळेमध्ये प्रवेश घेण्यासाठी प्रोत्साहित करत आहेत. ग्रामीण भागातील पालकवर्ग मुलांना कॉन्व्हेंटमध्ये पाठवत आहे. त्यामुळे जिल्हा परिषद शाळा ओस पडल्याच्या स्थितीत दिसत आहेत. मात्र सद्यःस्थितीत जिल्हा परिषद
शाळेनेसुद्धा आपला शिक्षण देण्याचा मार्ग वळविल्याने आता त्या शाळेमध्ये मुलांसह पालकांना प्रोत्साहित करण्यासाठी शिक्षकांना तारेवरची कसरत करावी लागत आहे. जि. प. शाळेमध्ये विद्यार्थ्यांच्या पटसंख्येनुसार शिक्षकांची भरती असल्याने आता त्या शाळेतील शाळा-पालक समिती विद्यार्थ्यांच्या प्रवेशासाठी प्रयत्नरत आहे
