टुनकी येथे दोन गटात दगडफेक, ४१ जणांवर गुन्हे दाखल

आशाताई बच्छाव

टुनकी येथे दोन गटात दगडफेक, ४१ जणांवर गुन्हे दाखल

घटनेची माहिती प्राप्त होताच घटनास्थळी धाव घेत सोनाळा ठाणेदार चंद्रकांत पाटील यांनी परिस्थितीवर नियंत्रण मिळवले.

ज्ञानेश्वर पाटील दांदळे/युवा मराठा न्यूज नेटवर्क,ब्युरो चीफ बुलढाणा-
संग्रामपूर तालुक्यातील टुनकी येथे दिनांक 27 एप्रिल रोजी रात्री १० वाजेच्या सुमारास लग्नाच्या वरातीत नाचत असताना दोन गटात तणाव निर्माण झाल्याने दगडफेकीची घटना घडली. त्यामध्ये दोन्ही गटातील ७ ते ८ जण जखमी झाले त्यातील दोन ते तीन जणांची प्रकृती गंभीर आहे.

घटनेची माहिती प्राप्त होताच सोनाळा ठाण्याचे ठाणेदार चंद्रकांत पाटील यांनी घटनास्थळी धाव घेत परिस्थितीवर नियंत्रण मिळवले. तसेच जळगाव जामोद पोलीस ठाण्यातील पोलिसांसह दंगाकाबू पथकाला पाचरण करण्यात आले सध्या तेथे तणावपूर्ण शांतता आहे ८ आरोपींना पोलिसांनी ताब्यात घेतले. इतर आरोपींची धरपकड सुरू आहे याप्रकरणी सोनाळा पोलीस ठाण्यात परस्पर विरोधातील फिर्यादीवरून ४१ जणांविरुद्ध विविध कलमान्वये गुन्हे दाखल करण्यात आले आहे.