आशाताई बच्छाव
जैन समाजातर्फे आयोजित रक्तदान शिबीरास 77 रक्तदात्यांचे रक्तदान
चाळीसगाव,(विजय पाटील तालुका प्रतिनिधी)– येथील समस्त जैन समाजाच्या वतीने श्री भगवान महावीर स्वामी जन्मकल्याणक महोत्सवानिमित्ताने रक्तदान शिबीराचे आयोजन मंगळवार दि. 16 एप्रिल 2024 रोजी सकाळी 9.30 वा. छत्रपती शिवाजी महाराज चौकातील अरिहंत मंगल कार्यालय येथे करण्यात आले होते.
सदरच्या शिबीरास सर्व समाजातील रक्तदात्यांनी उत्स्फूर्तपणे रक्तदान केले. शिबीरात एकूण 77 रक्तदात्यांनी रक्तदान करुन आपला उत्साह दाखविला. प्रत्येक रक्तदात्याचा 1 लाखाचा अपघाती विमा शिबीरात काढण्यात आला व त्यांना आकर्षक प्रशस्तीपत्रही देण्यात आले.
मा. खासदार उन्मेषदादा पाटील, माजी आमदार राजीवदादा देशमुख, वर्धमानभाऊ धाडीवाल,अप्पर पोलिस अधिक्षक कविता नेरकर, डीवाएसपी अभयसिंग देशमुख, शहर पोलिस निरीक्षक संदीप पाटील आदींनी शिबीरास हजेरी लावली.
शिबीरास जीवन सुरभी ब्लड बँक यांचे सौजन्य लाभले. तर शिबीर यशस्वीतेसाठी जैन समाजातर्फे मनोज सोलंकी, संदीप जैन, हरेश जैन, सुशिल सोलंकी, पवन चोपडा, प्रमोद गुळेचा, निलेश कांकरीया, प्रितेश कटारीया आदींनी प्रयत्न केलेत.
