स्वतःच्या तीन लेकरांना विहिरीत टाकून त्यांचे जीव घेणाऱ्या निर्दयी आरोपी बापास केले जेरबंद.

आशाताई बच्छाव

स्वतःच्या तीन लेकरांना विहिरीत टाकून त्यांचे जीव घेणाऱ्या निर्दयी आरोपी बापास केले जेरबंद.
स्थानिक गुन्हे शाखेची कारवाई
जिल्हा प्रतिनिधी जालना-वसंतराव देशमुख
दिनांक 15/04/2024
याविषयी सविस्तर माहिती अशी की, पोलीस ठाणे अंबड हद्दीमध्ये मौजे डोमेगाव तालुका अंबड जिल्हा जालना येथील इसम नामे विलास साळुंखे यांचे मालकीच्या विहिरीत संतोष धोंडीराम ताकवाले वय 30 वर्षे राहणार कात्राबाद तालुका जिल्हा छत्रपती संभाजीनगर याने त्याचे स्वतःचे दोन मुली व मुलगा यांना निर्दयीपणे विहिरीमध्ये फेकून निर्दयीपणे त्यांचे जीव घेतले म्हणून पोलीस ठाणे अंबड येथे गु.र.नं.196/2024 कलम -302,201 भा.द.वि. कायद्याप्रमाणे गुन्हा दाखल झाल्याने सदर आरोपीचा शोध घेणेबाबत मा. पोलीस अधीक्षक श्री अजयकुमार बंसल यांनी स्थानिक गुन्हे शाखा जालना यांना सूचना दिल्या होत्या.
त्याप्रमाणे पोलीस निरीक्षक श्री रामेश्वर खनाळ स्थानिक गुन्हे शाखा जालना यांनी पोलीस ठाणे अंबड येथील आरोपी संतोष धोंडीराम ताकवाले वय 30 वर्षे राहणार कात्राबाद तालुका जिल्हा छत्रपती संभाजीनगर याचा शोध घेण्याबाबत एक विशेष पथक नेमले सदर आरोपीचा शोध घेत असता पथकातील अंमलदार यांना माहिती मिळाली की, संतोष ताकवाले हा आरोपी छत्रपती संभाजी नगर शहरात बाबा पेट्रोलपंपाजवळील ट्रॅव्हल्स पार्किंग एरियामध्ये उभा असल्याची माहिती मिळाल्याने नमूद आरोपीस सदर ठिकाणी जाऊन ताब्यात घेऊन पोलीस ठाणे अंबड येथे हजर केले आहे.
सदरची कारवाई माननीय पोलिस अधीक्षक श्री अजय कुमार बंसल व मा. अप्पर पोलीस अधीक्षक श्री आयुष नोपाणी यांच्या मार्गदर्शनाखाली स्थानिक गुन्हे शाखेचे पोलीस निरीक्षक श्री रामेश्वर खनाळ व सोबत स्थागुशाचे अंमलदार रमेश राठोड, देविदास भोजने, अक्रुर धांडगे यांनी केली आहे.