आशाताई बच्छाव
माहोरा येथे भारतरत्न डॉ. बाबासाहेब आंबेडकर जयंती उत्साहात साजरा
सर्कल प्रतिनीधी माहोरा -मुरलीधर डहाके
दिनांक 15/04/2024.
याविषयी सविस्तर माहिती अशी की,माहोरा येथे भारतरत्न डॉ बाबासाहेब आंबेडकर यांची जयंती 14 एप्रील रोजी मोठ्या उत्साहात साजरी करण्यात आली. डॉ बाबासाहेब आंबेडकर यांच्या प्रतिमेचे पूजन करून वाजत गाजत मिरवणूक काढण्यात आली होती . मिरवणुकीत सर्वधर्मीय नागरिक मोठ्या संख्येने उपस्थित होते.या मिरवणुकीत मोठा भिमसागर उसळला होता. मिरवणुकीमध्ये माहोरा तसेच परिसरातील सर्व समाजातील नागरीक मोठ्या संख्येने सहभागी झाले होते. माहोरा परीसर जय भीम च्या घोषणांनी दणाणून गेला होता. मिरवणूकीची सुरूवात सम्राट अशोक बौध्द विहार माहोरा व भारतरत्न डॉ.बाबसाहेब आंबेडकर यांच्या पुतळ्या पासून सुरुवात करण्यात आली. तेथून ते बस स्थानक परिसरात व छत्रपती शिवाजी महाराज चौक मध्ये आल्या नंतर फटाक्यांची आतषबाजी करण्यात आली. छत्रपती शिवाजी महाराज यांच्या पुतळ्याला पुष्पहार अर्पण करून मिरवणूक पुढे नेण्यात आली. मिरवणुकीमध्ये महिलांचा सुध्दा खूप मोठ्या प्रमाणत सहभाग होता. तसेच मिरवणूक सुरळीत पार पाडण्यासाठी जाफराबाद पोलीस स्टेशन ठाणेदार साहेब आणि बीट जमादार व त्यांचे सहकारी यांनी चोख बंदोबस्त ठेवला होता. मिरवणूक शांततेत पार पडली.
