आशाताई बच्छाव
सिंदखेडराजा येथील “खादाड” तहसीलदार बुलढाणा एसीबीच्या जाळ्यात
ब्युरो चीफ बुलढाणा ज्ञानेश्वर पाटील दांदळे
बुलढाणा जिल्ह्यातील देऊळगाव राजा, सिंदखेड राजा आणि लोणार या 3 तालुक्यातून खडकपूर्णा नदी वाहत असल्याने या भागात मोठ्या प्रमाणात वाळू माफिया सक्रिय आहे. अनेक वाळूमाफिया अधिकारी व कर्मचाऱ्यांशी संगणमत करून सर्रासपणे वाळूची अवैद्य वाहतूक करत शासनाचा महसूल बुडवत आहेत सिंदखेड राजा येथील खादाड तहसीलदार सचिन जयस्वाल यांनी एका वाळू माफिया कडून हप्त्याची मागणी केली होती. असा आरोप करत सदर वाळूमाफियाने त्याची तक्रार बुलढाणा एसीबी कडे दिल्यानंतर आज 12 एप्रिल रोजी दुपारी तीन वाजेच्या सुमारास सिंदखेडराजा तहसील कार्यालयात एसीबी कडून सापळा रचण्यात आला. यावेळी तक्रारदाराला मागणीनुसार 35 हजार रुपये त्यांनी या खादाडांना दिल्यानंतर एसीबीच्या पथकाने धाड टाकून तहसीलदार सचिन जयस्वाल यांच्यासह त्यांच्या वाहनावरील चालक व शिपाई अशे तिघांना ताब्यात घेतले आहे. या कारवाईमुळे बुलढाणा जिल्हा महसूल प्रशासनात एकच खळबळ उडाली असून सध्या कारवाई सुरू असल्याची माहिती मिळाली आहे.
