आशाताई बच्छाव
सतीश घाटगेंनी दूर केली पारडगावातील मुक्या जीवांच्या पाण्याची अडचण
—————
आठवडी बाजारातील जनावरांसाठी सुरु केले मोफत टँकर
घनसावंगी/जालना, दिलीप बोंडे ब्युरो चीफ:- तालुक्यातील पारडगाव येथे रविवारी जनावरांच्या बाजारात येणाऱ्या शेकडो जनावरांसाठी भाजपा नेते सतीश घाटगे यांनी स्वखर्चातून पाण्याचे टँकर सुरु करून व्यापारी- पशुपालकाना मोठा दिलासा दिला. या मदतीबद्दल गावकऱ्यांनी तसेच व्यापारी- पशुपालकानी सतीश घाटगे यांचे आभार मानले.
पारडगाव येथे दर रविवारी मोठा जनावरांचा बाजार भरतो.जालना जिल्ह्यासह जिल्ह्याबाहेरील व्यापारी पशुपालक या बाजारात जनावरांची खरेदी -विक्री करण्यासाठी येतात.या ठिकाणी ग्रामपंचायतीकडून जनावरांसाठी पाण्याची व्यवस्था करणे गरजेचे होते. परंतु, त्यांनी दुर्लक्ष केले.ही जनावरांची पाण्याची अडचण सतीश घाटगे यांनी सोडवली असून,जनावरांसाठी पाण्याचे या ठिकाणी टँकर सुरु केले आहे. आठवडी बाजारा बरोबरच पारडगावासाठीही समृद्धी कारखाना टँकरद्वारे मोफत पाणीपुरवठा करत आहे. रविवारी आठवडी बाजारात जनावरांसाठी आलेल्या पाण्याचे टँकरचे गावकऱ्यांनी स्वागत केले. यावेळी भाजपा किसान मोर्चाचे तालुका अध्यक्ष गजानन ढेरे,भास्कर ढेरे,जगन ढेरे,सोपान ढेरे,अर्जून ढेरे, भारत स्वामी, कृष्णा ढेरे, बाळु ढेरे, सोमनाथ चोरमारे, परमेश्वर ढेरे,बबन आढाव, लालामामुसय्यद, पत्रकार नजिर कुरैशी, साबेर कुरेशी,अब्दुल रहीम, रियाज मुस्तफा कुरेशी,नितिन नाटकर,शिवाजी माकोडे, जनार्धन माने,मोईन कुरेशी, हारुण कुरेशी, मुस्ताक पटेल, इरफान पटेल यांच्या सह शेतकऱ्याची उपस्थिती होती.
