आशाताई बच्छाव
ब्राह्मण महासंघाच्या विश्वस्त सौ स्मिताताई कुलकर्णी रणरागिनी पुरस्काराने सन्मानित
दैनिक युवा मराठा
निफाड नाशिक प्रतिनिधी रामभाऊ आवारे
जागतिक महिला दिनानिमित्त समाजातील प्रत्येक क्षेत्रातील कर्तृत्व वान महिलांचा रणरागिणी पुरस्काराने सन्मान सोहळा निफाड येथे मा सौ सीमाताई हिरे आमदार नासिक विधानसभा पश्चिम मतदार संघ यांच्या शुभहस्ते प्रदान करण्यात आला. कार्यक्रमाच्या अध्यक्षस्थानी नंदलालजी चोपडा श्री लक्ष्मी नागरी सहकारी पतसंस्था संस्थापक अध्यक्ष होते. व्यासपीठावर प्रमुख पाहुणे म्हणून निफाड मंडल अधिकारी शितलताई कुयटे, निफाड नगराध्यक्षा सौ कविताताई धारराव माणुसकी फाउंडेशनचे संस्थापक अध्यक्ष सागर निकाळे होते. ब्राह्मण महासंघ विश्वस्त तथा भाजपा नाशिक जिल्हा सरचिटणीस महिला मोर्चा सौ स्मिताताई कुलकर्णी यांना रणरागिणी पुरस्कारांनी सन्मानित करण्यात आले. माणुसकी फाउंडेशन महिलांचा सर्वांगीण विकास सामाजिक, अध्यात्मिक ,शैक्षणिक ,आरोग्य अशा विविध क्षेत्रांमध्ये कार्यरत आहे. जागतिक महिला दिनाच्या औचित्य साधत सामाजिक, राजकीय, वीट भट्टी मजूर, ऊस तोडी कामगार, अध्यात्मिक, बँकिंग, वैद्यकीय, क्रीडा, अशा विविध क्षेत्रांमध्ये प्रामाणिकपणे कार्य करणाऱ्या कर्तुत्ववान महिलांना सन्मानित करण्यात आले सामाजिक क्षेत्रातील कार्य तसेच महिला सक्षमीकरणासह उल्लेखनीय कार्यासाठी सौ स्मिताताई कुलकर्णी, राजकीय क्षेत्र सौ सीमाताई दरेकर पाटील, बँकिंग क्षेत्र सौ मायाताई होळकर ,अंगणवाडी कार्य सौ कविता ताई चव्हाण, वैद्यकीय सेवा परिचारिका सौ सुनीताताई बोडके, सागर कन्या श्रावणी देसाई यांनी देखील या पुरस्काराने सन्मानित करण्यात आले.
