आशाताई बच्छाव
सन्मान मातृत्व, नेतृत्व व कर्तृत्वाचा ! पुणे प्रतिनिधी दिपक कदम
“आयडियल एज्युकेशन ट्रस्ट” यांच्या वतीने जागतिक महिला दिनाचे औचित्य साधून समाजासाठी बहुमोल योगदान देणाऱ्या सफाई कर्मचारी, घरेलू कामगार भगिनी, ज्येष्ठ माता व पदवीधर भगिनी या महिलांचा विशेष “सन्मान सोहळा” आयोजित करण्यात आला.
खरंतर आई, बहीण, पत्नी, वहिनी, आजी अशा अनेक भूमिका एकाच वेळी निभावत असताना घराला, कुटुंबाला, समाजाला, देशाला दिशा देण्याचं काम आपल्या माता भगिनी करत असतात. त्यांच्या या अतुलनीय कार्याचा सन्मान करण्यासाठी एक “महिला दिन” पुरेसा नसून वर्षातील ३६५ दिवस माता भगिनींचा सन्मान झाला पाहिजे. महिलांना हा सन्मान मिळावा यासाठी देशाचा कारभार पुरोगामी विचारांच्या हातात असणे आवश्यक आहे, हाच निर्णय आपल्याला आगामी लोकसभा निवडणुकीत घ्यायचा आहे असे आवाहन उपस्थितांना केले व हा स्तुत्य सोहळा आयोजित केल्याबद्दल मा. शफी इनामदार व मा. शोएब इनामदार यांचे आभार व्यक्त केले.
यावेळी माझे मार्गदर्शक मा . खासदार अमोल कोल्हे श्री. महादेव बाबर, माजी महापौर प्रशांत जगताप, निलेश मगर, माजी मंत्री रमेश बागवे, प्रविण तुपे आदी मान्यवर उपस्थित होते.
