आशाताई बच्छाव
आज शनिवारी वाशिम येथे आयुष्यमान भारत कार्ड वाटप व भव्य आरोग्य शिबिर
व्हॉईस ऑफ मीडियाचा पुढाकार : पत्रकारांनी लाभ घेण्याचे आवाहन
वाशीम, गोपाल तिवारी ब्युरो चीफ- पत्रकार आणि त्यांच्या परिवाराच्या हितासाठी झटणार्या व्हॉईस ऑफ मीडिया व जिल्हा सामान्य रुग्णालयाच्या संयुक्त विद्यमाने जिल्हयातील सर्व पत्रकार बांधवांसाठी येत्या, शनिवार, ९ मार्च रोजी सकाळी ११ ते ३ या वेळेत आयुष्यमान भारत कार्ड वाटप व भव्य आरोग्य शिबिराचे आयोजन करण्यात आले आहे.
सदर शिबीर जिल्हा सामान्य रुग्णालय येथील पहिल्या मजल्यावरील स्किल डेव्हल्पमेंट हॉल येथे घेण्यात येणार आहे. या शिबीरात पत्रकारांना आयुष्यमान भारत कार्डचे वाटप करण्यात येणार आहे. तसेच यावेळी भव्य आरोग्य शिबिराचे आयोजन करण्यात आले असून या शिबीरात पत्रकारांच्या आरोग्याची संपूर्ण तपासणी केली जाणार आहे. तरी आरोग्य शिबीर व आयुष्यमान भारत कार्ड वाटप कार्यक्रमाचा जिल्ह्यातील सर्व पत्रकारांनी लाभ घ्यावा, असे आवाहन व्हॉईस ऑफ मीडिया जिल्हा, तालुका, शहर व सर्व विंगच्या वतीने व्हॉईस ऑफ मीडिया पदाधिकारी यांनी केले आहे.
