आशाताई बच्छाव
युवा संसद खासदार ठाणे जिल्हा आणि स्वराज्य पोलीस मित्र संघटना कल्याणचे सचिव आकाश मेंगजी यांच्या वाढदिवसानिमित्त मोफत आरोग्य तपासणी शिबिर
युवा मराठा न्यूज
सविता तावरे-मुंबई स्पेशल रीपोर्टर
काल 23 फेब्रुवारी 2024 रोजी स्वराज्य पोलीस मित्र संघटनेचे कल्याण शहर सचिव आणि संसद युवा खासदार नम्रसेवक आकाश मेंगजी यांनी वाढदिवसानिमित्त समाज मंदिर, उल्हासनगर१ येथे मोफत आरोग्य तपासणी शिबिराचे आयोजन केले होते. सकाळी 11 ते दुपारी 2 या वेळेत मोठ्या संख्येने लोकांनी या शिबिराचा लाभ घेतला. ब्लड प्रेशर, शुगर, हृदयाची ईसीजी तपासणी, ठराविक औषधे मोफत, डोळे तपासणी व अल्प दरात चष्मे वाटप, तज्ञ डॉक्टरांचा सल्ला, स्त्रियांचे विविध आजार व तज्ञांचा सल्ला अशी या शिबिरातील वैशिष्ट्ये होती. या शिबिरात स्वराज्य पोलीस मित्र पत्रकार संरक्षण आणि माहिती अधिकार संघटना मुंबई प्रभारी मालतेश हेब्बारे सर, मुंबई उपाध्यक्ष सुरेश रेवणकर सर, ईशान्य मुंबई अध्यक्ष वाघमारे सर व ईशान्य मुंबई सचिव आनंद वैराळ तसेच गायक सदा लाडके, समाजसेवक आनंद निकम आणि प्रकाश सिधवानी, उज्ज्वला पवार आणि कुणाल पवार व अनेकजण उपस्थित होते. आणि आरोग्यम धनसंपदा फाउंडेशनचे अध्यक्ष जितेंद्र पाटील सर यांनी शिबिरात सर्वोतोपरी मदत केली आहे आणि सिद्धिविनायक रुग्णालय कल्याणचे सर्व डॉक्टर आणि कर्मचारी यांनीही उपस्थित राहून पुर्ण सहकार्य केले. या शिबिरात 200 ते 250 लोकांनी उपस्थित राहून या मोफत शिबिराचा लाभ घेतला आणि स्वराज्य पोलीस मित्र संघटना पदाधिकाऱ्यांनी स्वराज्य संघटनेची माहिती दिली. गायक सदा लाडके यांनी सुंदर सुरात गाणे गायले. वाढदिवसानिमित्त नम्र युवासेवक आकाश मेंगजी यांना शुभेच्छा, पुष्पगुच्छ, शाल व आशीर्वाद देऊन केक कापून वाढदिवस साजरा करण्यातआला. भोजना सह कार्यक्रम संपन्न झाला.
