आशाताई बच्छाव
जनता विद्यालयात युवादिन साजरा
नाशिक,(दिलीप चव्हाण ब्युरो चीफ):- मराठा विद्या प्रसारक समाज संस्थेच्या जनता विद्यालय गोरेराम लेन नाशिक येथे दि. १३/१/२०२४ रोजी स्वामी विवेकानंद यांची जयंती युवा दिन व राजमाता जिजाऊ ह्यांची जयंती साजरी करण्यात आली. ह्या कार्यक्रमाचे आयोजन इयत्ता १० वी ब च्या वर्गाने केले होते. कार्यक्रमाची सुरुवात स्वागत गीताने झाली . ह्यानंतर प्रतिमेचे पूजन शाळेच्या मुख्याध्यापिका श्रीमती. माधुरी पिंगळे ह्यांनी केले. व व्यासपीठावर ज्येष्ठ शिक्षिका के.एस.आगळे होत्या. जिजामाता यांच्या जयंतीनिमित्त तृप्ती राजगुरू यांनी गीत सादर केले. तसेच जयेश चौघुले , आर्यन जाधव यांनी पोवाडा सादर केला. स्वामी विवेकानंद यांच्या जयंतीनिमित्ताने नयन गाडेकर ह्याने भाषण केले. १० वी कचा पीयुष मुर्तडक ह्याने स्वतः स्केच केलेले चित्र मुख्याध्यापिका व सर्व शिक्षिकांना भेट स्वरूपात दिले. विद्यालयात नवनिर्वाचित शिक्षकांचे स्वागत मुख्याध्यापिकांतर्फे करण्यात आले. कार्यक्रमाचे सूत्रसंचालन अनुष्का सुग्रामकर हिने केले व आभार प्रदर्शन एकता ताजणे हिने केले.
