चोरीची कार छत्रपती संभाजीनगर येेेथून जप्त

आशाताई बच्छाव

चोरीची कार छत्रपती संभाजीनगर येेेथून जप्त
चाळीसगाव प्रतिनिधी विजय पाटील- चाळीसगाव शहरातून चोरीस गेलेल्या कारचा शोध लावण्यात पोलीसांना यश आले आहे. ही चोरीस गेलेली टोयाटो ईनोव्हा कार चाळीसगांव शहर पोलीसांनी छत्रपती संभाजी नगर येथून जप्त केली आहे.
चाळीसगांव शहरातील मुकेश यापुराव चौधरी यांच्या मालकीची क्रमांक एमएच.19 डीए.2777 ही टोयाटो ईनोव्हा कार अज्ञात आरोपीतांनी चोरुन नेल्याप्रकरणी चाळीसगाव शहर पोलीसात गुन्हा नोंद करण्यात आला होता.पोलीस निरीक्षक संदीप पाटील यांनी सदर चोरीस गेलेल्या वाहनाचे हनाचे शोधासाठी एक पथक तयार केले होते. सहा. पोलीस निरीक्षक दिपक बिरारी,हवालदार राहुल सोनवणे, योगेश बेलदार, दिपक पाटील, महेंद्र पाटील,पवन पाटील, राकेश महाजन, रविंद्र यच्छे, नंदकिशोर महाजन, अजय पाटील, आशुतोष सोनवणे, निलेश पाटील, समाधान पाटील अशांनी सदर गुन्ह्यातील वाहनाचा कसुन शोध घेतला. तसेच चाळीसगांव ते मालेगांव पावेतो सी.सी.टी.व्ही. फुटेज तपासणी करण्यात आली होती. तसेच चाळीसगांव शहराच्या लगत असलेल्या सर्व जिल्ह्यांना ईनोव्हा कार चोरीबाबत माहीती देण्यात आली होती.
ही कार छत्रपती संभाजी नगर येथील शहानुरमिया दर्गा चौकाच्या परिसरात लावल्याची माहीती गुन्हे शाखेला प्राप्त झाली. सदर वाहन छत्रपती संभाजी नगर पोलीसांनी ताव्यात घेतले होते. ती कार चाळीसगांव शहर पोलीसांनी छत्रपती संभाजी नगर येथुन ताब्यात घेवुन फिर्यादी मुकेश चौधरी यांना आज रोजी परत केली. आहे.
वाहन परत मिळाल्याबद्दल फिर्यादी मुकेश चौधरी यांनी पोलीसांचे आभार मानले. दरम्यान पोलीसांतर्फे जनतेस आवाहन करण्यात आले आहे की, किंमती वाहने रस्त्यावर न लावता घराचे कम्पाउंडमध्ये लावावीत. रात्रीच्या वेळी घराच्या आजुबाजुला लाईट चालु ठेवावीत. तसेच जी.पी.एस. टेक्नॉलॉजी सारखे अद्यावत तंत्रज्ञान वाहनांना लावुन घ्यावेत. तसेच घराच्या आजुबाजुला किंवा कॉलनी परिसरात एकत्रित रित्या सीसीटिव्ही कॅमेरे लावुन पोलीसांना सहकार्य करावे.