आशाताई बच्छाव
चाळीसगावातून दोन सख्खे भाऊ बेपत्ता
चाळीसगाव प्रतिनिधी विजय पाटील- शाळेत गेेेेलेले दोघे लहान भाऊ शाळा सुटल्यानंतर घरी आलेच नाही. या दोन्ही भावांना कोणीतरी फूस लावून पळवून नेल्या प्रकरणी चाळीसगाव शहर पोलीस स्टेशनला अज्ञात व्यक्तीच्या विरोधात गुन्हा दाखल करण्यात आला आहे.
किरण भावलाल सोनवणे (35) रा. मिलींद नगर, रेल्वे क्वॉर्टरच्या पाठीमागे, चाळीसगाव हे दि.13 रोजी भुसावळ येथे उसतोडीसाठी गेले होते. त्यांची दोन्ही मुले रूद्र किरण सोनवणे (6 ) व आर्यन किरण सोनवणे (11) हे सकाळी सम्राट अशोक प्राथमिक विद्यालयात शाळेत गेले.
सायंकाळी 6 वाजता त्यंाना बहिणीने फेान करून सांगितले की, मुले रूद्र व आर्यन हे अद्यापपावेतो घरी आले नाही. सोनवणे यांची सासू घरी आली व मुलांना बामोशी बाबा दर्गा येथे दर्शन घेऊन येते, दोन्ही मुले माझ्याकडेच आहेत काळजी करू नका असे सांगितले.परंतू सायंकाळ झाली तरी मुले व सासू घरी परतली नाही.
सोनवणे यांनी बहिणीच्या मदतीने दोन्ही मुले व सासू यांचा शोध घेतला असता ती मिळून आली नाही. त्यामुळे मुलगा रूद्र व आर्यन यांना कोणीतरी अज्ञात इसमाने अज्ञानाचा फायदा घेऊन फुस लावून पळवून नेल्याची फिर्याद
किरण सोनवणे यांनी दिल्यावरून चाळीसगाव शहर पेालीस स्टेशनला अज्ञात व्यक्तीच्या विरोधात भादंवि कलम 363 प्रमाणे गुन्हा दाखल करण्यात आला आहे. तपास पोलीस करीत आहेत.
