आशाताई बच्छाव
चाळीसगावात घरासमोरून इनोव्हा कार चोरी
चाळीसगाव प्रतिनिधी विजय पाटील- शहरातील शाहू नगरमधून घरासमोरून 8 लाख रूपये किंमतीची पांढऱ्या रंगाची इनोव्हा कार चोरीस गेल्याची घटना घडली असून याप्रकरणी शहर पोलीस स्टेशनला अज्ञात चोरट्याच्या विरूद्ध गुन्हा दाखल करण्यात आला आहे.
भाजीपाला विक्रेते मुकेश बापुराव चौधरी रा.शाहू महाराज नगर, गजानन महाराज मंदिर जवळ चाळीसगाव यांच्या मालकीची सुमारे 8 लाख रूपये किंमतीची एम एच.19 डी ए. 2777 ही पांढऱ्या रंगाची टोयाटो कंपनीची इनोव्हा कार घराच्या बाहेर लावलेली असताना दि.17 रोजी रात्री 9 ते सोमवार दि 18 रोजी सकाळी 6 वाजेच्या दरम्यान अज्ञात चोरट्यानी चोरून नेली आहे
ते मुलाला शाळेत सोडण्यासाठी घराबाहेर आले असता त्यांना कार जागेवर दिसून आली नाही. त्यांनी कारचा आसपास शोध घेतला पण कार कुठेच आढळून आली नाही.
मुकेश चौधरी यांनी दिलेल्या फिर्यादीवरून अज्ञात चोरट्या विरोधात चाळीसगाव शहर पोलीस स्टेशनला गुन्हा दाखल करण्यात आला आहे. तपास स पो नि दिपक बिरारी करीत आहेत.
