आशाताई बच्छाव
अल्पवयीन मुलीशी लग्न केले-सासरच्या लोकांविरूद गुन्हा
चाळीसगाव प्रतिनिधि विजय पाटील– मुलगी अल्पवयीन असल्याचे माहीत असून देखील तिच्याशी लग्न लावून दिल्याने मुलगी गर्भवती होवून मुलाला जन्म दिला. याप्रकरणी तिचे आई वडिल व पतीसह सासरच्या सहा जणांच्या विरोधात चाळीसगाव ग्रामीण पोलीस स्टेशनला गुन्हा दाखल करण्यात आला आहे.
पुणे जिल्ह्यातील दौंड तालुक्यातील एका गावातील 17 वर्षे 10 महिने वय असलेल्या अल्पवयीन मुलीचे ती अल्पवयीन असतांना देखील चाळीसगाव तालु्नयातील एका गावातील मुलाशी त्याच्याच कुटुंबीयाने लग्न लावून दिले.
लग्न झालेल्या मुलगी व मुलगी यांच्या शारीरीक संबंधातून ही अल्पवयीन मुलगी गर्भवती राहीली. त्यातून तिने मुलाला जन्म दिला. ही घटना 22/7/2022 ते 10/8/2023 दरम्यान तालुक्यातील एका गावात घडला.
याप्रकरणी पीडित मुलीने पोलीसात धाव घेतल्याने पीडितेच्या फिर्यादीवरून तिचा पती, सासरा, दीर,सासू, आई व वडिल अशा सहा जणांच्या विरोधात चाळीसगाव ग्रामीण पोलीस स्टेशनला बा.वि.प्र.अधि.2003चे कलम 10,12,बाल लैगिक अपराध सं.अधिनियम 2012चे कलम 4,6,12सह भादंवि कलम 376(2)(एन)प्रमाणे गुन्हा दाखल करण्यात आला आहे.तपास पोलीस निरीक्षक ज्ञानेश्वर जाधव यांच्या मार्गदर्शनाखाली सहाय्यक पोलीस निरीक्षक धरमसिंग सुंदरडे हे करीत आहेत.
