आशाताई बच्छाव
फटाके फोडण्याच्या कारणातून पिंपरखेड तांडा येथे हाणामारी
चाळीसगाव प्रतिनिधि विजय पाटील- घरासमोर अंगणात फटाके फोडण्याच्या कारणातून तालुक्यातील पिंपरखेड तांडा येथे हाणामारी होवून हातोडी, फायटर, रॉडचा वापर करण्यात आला. या हाणामारीत एकाच्या गळ्यातील सोन्याची पोत तर दुसऱ्याच्या खिशातील 5 हजार रूपये काढून घेतले.याप्रकरणी चाळीसगाव ग्रामीण पोलीस स्टेशनला 7 जणांच्या विरोधात गुन्हा दाखल करण्यात आला आहे.
याबाबत माहिती अशी की, पिंपरखेड येथे दि.13 रोजी रात्री 9.30 वाजता फिर्यादी सिताराम ओंकार चव्हाण यांच्या घरासमोर शांतीबाई जाधव हिची मुले फटाके फोडत होती.यावरून फिर्यादीची आई बोलण्यास गेली असता त्यातून भांडण झाले.
यावेळी सणाच्या वेळी भंाडण करून नका असे सिताराम चव्हाण हे सांगण्यास गेले असता संशयित आरोपींना त्याचा राग आला. आरोपीतांनी गैरकायदा मंडळी जमवून फिर्यादीच्या घरात घुसून त्यांना तसेच त्यांची आई, वडिल, भाऊ व पत्नी अशांना शिवीगाळ करून लोखंडी रॉड, फायटरने मारून गंभीर दुखापत केली.तसेच चापटा बुक्यांनी मारहाण केली.
या मारामारीच्या बहाण्याने फिर्यादीच्या गळ्यातील 15 ग्रॅम वजनाची सोन्याची चैन तसेच शर्टच्या खिशातील 5 हजार रूपये काढून घेतले.
याप्रकरणी सिताराम ओंकार चव्हाण यांनी दिलेल्या फिर्यादीवरून
संशयित शांतीबाई जाधव,सुनील जाधव, राहूल जाधव, दयाराम जाधव, विकास जाधव, विनोद राठोड सर्व रा. पिंपरखेड तांडा व अन्य एक अशा सात जणांच्या विरोधात 20 रोजी चाळीसगाव ग्रामीण पोलीस स्टेशनला भादंवि कलम 143,147,148,149, 326,327, 323, 504, 452 प्रमाणे गुन्हा दाखल करण्यात आला आहे.तपास सहाय्यक पोलीस निरीक्षक धरमसिंग सुंदरडे करीत आहेत.