आशाताई बच्छाव
रेल्वे लाईनच्या कामावरून साडे चार लाखांच्या लोखंडी प्लेटा व आसरींची परस्पर विक्री
चाळीसगाव प्रतिनिधी विजय पाटील- जळगाव ते हिरापूर दरम्यान तिसऱ्या रेल्वे लाईनचे काम सुरू असून यासाठी लागणाऱ्या 44 लोखंडी प्लेटा व 2 टन आसारी असे सुमारे 4 लाख 54 हजार 740 रूपयांचे साहीत्य कामावरील सुपरवायझरने कोणाला तरी विकल्याचे समोर आले आहे.याप्रकरणी साईट सुपरवायझरच्या विरोधात गुन्हा दाखल करण्यात आला आहे.
याबाबत माहिती अशी की, जळगाव ते हिरापूर दरम्यान तिसऱ्या रेल्वे लाईनचे काम सुरू असून बीएनए इन्फ्रास्ट्रक्चर प्रा.लि. भुसावळ या कंपनीने हे काम घेतले आहे. साईट सुपरवायझर नितीन भारती रा. हिसवळ ता. नांदगाव जि. नाशिक याने 3 लाख 44 हजार 740 रूपये किंमतीच्या 44 लोखंडी प्लेटा व 1 लाख 10 हजार रूपये किंमतीच्या 2 टन आसारी असा सुमारे 4 लाख 54 हजार 740 रूपये किंमतीचे साहित्य
दि.6/10/2023 ते 9/11/2023 या दरम्यान कंपनीचा विश्वासघात करून परस्पर कोणाला विकून अपहार केला. याप्रकरणी सुपरवायझर अजय रविंद्र चौधरी, जळगाव यांनी दिलेल्या फिर्यादीवरून भारती याच्या विरोधात चाळीसगाव ग्रामीण पोलीस स्टेशनला भादंवि कलम 408 प्रमाणे गुन्हा दाखल करण्यात आला अहे.
