आशाताई बच्छाव
मा.पंतप्रधान नरेंद्रजी मोदी यांच्या नेतृत्वात भारत विकासाच्या मार्गावर
आमदार डॉक्टर देवरावजी होळी
चातगाव येथील विकसित भारत संकल्प यात्रा व मुख्यमंत्री महिला सशक्तिकरण अभियानात आमदार डॉक्टर देवराव जी होळी यांचे उपस्थितांना मार्गदर्शन
मोदीजींच्या नेतृत्वात भारत जागतिक महासत्तेकडे वाटचाल करीत असल्याचे केले प्रतिपादन
गडचिरोली,(सुरज गुंडमवार)-
देशाचे लोकप्रिय पंतप्रधान मा. नरेंद्रजी मोदी यांच्या नेतृत्वामध्ये भारत विकासाच्या मार्गावर अग्रेसर असून त्यांच्याच नेतृत्वात भारत जागतिक महासत्तेकडे वाटचाल करीत असल्याचे प्रतिपादन आमदार डॉक्टर देवराव जी होळी यांनी चातगाव येथील विकसित भारत संकल्प यात्रा व मुख्यमंत्री महिला सशक्तिकरण अभियानाच्या उद्घाटन प्रसंगी केले.
याप्रसंगी खासदार अशोकजी नेते, धानोरा तहसीलदार सौ. लोखंडे मॅडम , नाकतोडेजी कृषी अधिकारी धानोरा, धानोरा प.स. संवर्ग विकास अधिकारी टिचकुले साहेब डी. के. वालके नायब तहसीलदार, भाजपा माजी तालुकाध्यक्ष गोपालजी उईके, भाजपा नेते स्वप्निल जी वरघंटे यांचे सह मान्यवर उपस्थित होते.
याप्रसंगी बोलताना आमदार डॉक्टर देवरावजी होळी म्हणाले की. राज्यातच नव्हे तर संपूर्ण देशांमध्ये महिला सशक्तीकरणाला कधी नव्हे एवढे प्रयत्न सुरू असून मा. मोदीजींच्या नेतृत्वात देशाचे भवितव्य सुरक्षित असल्याचे प्रतिपादन त्यांनी याप्रसंगी केले.
