आशाताई बच्छाव
🛑 बलिप्रतिपदा / दिवाळी पाडवा 🛑
बळीराजाची दानशूरता पाहून वामनाने त्याला पाताळाचे राज्य दिले आणि दात्याची सेवा करण्यासाठी वामनाने बळीराजाचे द्वारपाल पद स्विकारले. तो दिवस म्हणजे कार्तिक शुद्ध प्रतिपदा आहे. पाडवा हा साडेतीन मुहूर्तांपैकी हा एक अत्यंत शुभ मुहूर्त मानला जातो.आपापल्या इच्छेप्रमाणे किंवा गरजेप्रमाणे ठरवून या मुहूर्तावर केलेली खरेदी शुभ समजली जाते.
घरोघरी सायंकाळी पाटाभोवती रांगोळी काढून पत्नी पतीचे औक्षण करते व पती पत्नीला ऒवाळणी घालतो. नवविवाहीत दांपत्याची पहिली बलिप्रतिपदा पत्नीच्या माहेरी साजरी करतात. ह्यालाच दिवाळसण म्हणतात. हा पाडवा पती पत्नी नात्यातला गोडवा वाढवतो.
उत्तर भारतात या दिवशी गोवर्धन पूजा असते. श्रीकृष्णाच्या किंवा विष्णूच्या देवळात ही पूजा होते.
_विक्रम संवत कालगणनेचा प्रारंभ या दिवशी होतो. उज्जैनीचा राजा विक्रमादित्य याने शकांचे आक्रमण परतवून लावले, त्यांचा पाडाव केला. त्या विजयाचे प्रतीक म्हणून विक्रमादित्याने विक्रमसंवत ही कालगणना सुरू केली. इ. स. पूर्व ५७ पासून ही कालगणना प्रचलित आहे._
सगळ्यांना पाडव्याच्या आणि हिंदू नवीन वर्षाच्या खूप खूप शुभेच्छा.
════════ ★ आपला शुभचिंतक- प्रशांत बच्छाव उपसंपादक युवा मराठा न्यूज महाराष्ट्र
