आशाताई बच्छाव
7 हजाराची लाच घेताना करगाव माध्यमिक आश्रम शाळेचा ग्रंथपाल ACB च्या जाळ्यात
चाळीसगाव प्रतिनिधी विजय पाटील – कालबध्द वेतनश्रेणी सहाय्यक आयुक्त समाज कल्याण विभाग जळगाव या कार्यालयाकडून मंजूर करून आणण्यासाठी 7000 ची लाच घेताना तालुक्यातील करगाव माध्यमिक आश्रम शाळेचा ग्रंथपालास जळगांव लाचलूचपत प्रतिबंधक विभागाच्या पथकाने आज दि 6 रोजी ताब्यात घेतले असून चाळीसगाव ग्रामीण पोलीस स्टेशन ला गुन्हा दाखल करण्यात आला आहे
तक्रारदार हे माध्यमिक आश्रमशाळा, करगाव ता. चाळीसगाव येथील कर्मचारी असून त्यांची कालबध्द वेतनश्रेणी सहाय्यक आयुक्त समाज कल्याण विभाग जळगाव या कार्यालयाकडून मंजूर करून आणण्यासाठी आश्रमशाळेचे ग्रंथपाल श्रीकांत गुलाब पवार (41) रा. करगाव ता. चाळीसगाव यांनी यापूर्वी फोन पेवर 15 हजार रुपये घेतले होते. त्यानंतर प्रादेशिक उपसंचालक इतर मागासवर्गीय विभाग नाशिक, येथून पदोन्नतीचे थकीत रक्कम 85 हजार 519 रुपये मंजूर करून आणून देतो. त्यासाठी फरकाचा बिलाच्या 16 टक्केप्रमाणे 12 हजार रूपये लागतील असे ग्रंथपाल पवार यांनी सांगितले.त्यामुळे तक्रारदार यांनी जळगावच्या लाच लुचपत प्रतिबंधक विभागाकडे तक्रार केली.
या तक्रारीची पडताळणी केल्यानंतर सापळा रचून आज दि.6 रोजी दुपारी ग्रंथपाल श्रीकांत पवार यांना तक्रारदाराकडून पहिला हप्ता म्हणून 7 हजार रुपये स्वतः स्विकारतांना रंगेहाथ पकडण्यात आले आहे. त्यांचे वर चाळीसगांव ग्रामीण पोलीस स्टेशनमध्ये गुन्हा दाखल करण्यात येत आहे.ही कारवाई पोलीस निरीक्षक एन.एन.जाधव, एएसआय.दिनेशसिंग पाटील,सुरेश पाटील,हवालदार रविंद्र घुगे,महिला हवालदार शैलाा धनगर, पोना. किशोर महाजन,प्रदीप पोळ,पोकॉ.सचिन चाटे,प्रणेश ठाकूर, सापळा पथक पोना. सुनील वानखेडे,बाळू मराठे, राकेश दुसाणे यांच्या पथकाने केली.
