आशाताई बच्छाव
स्व.निर्धन पाटील वाघाये कला व विज्ञान महाविद्यालय मुरमाडी/तुपकर येथे महात्मा गांधी व लाल बहादूर शास्त्री जयंती साजरी –
संजीव भांबोरे
भंडारा (जिल्हा प्रतिनिधी) लक्ष्मी शिक्षण संस्था व क्रीडा मंडळ केसलवाडा/वाघ द्वारा संचालित स्व.निर्धन पाटील वाघाये कला व विज्ञान महाविद्यालय मुरमाडी तुपकर येथे महात्मा गांधी व लाल बहादूर शास्त्री जयंती साजरी करण्यात आली. महाविद्यालयाचे प्राचार्य प्रा.डाॅ. विश्वास खोब्रागडे यांनी महात्मा गांधी व लाल बहादूर शास्त्री यांच्या प्रतिमेला माल्यार्पण केले. कार्यक्रमाचे अध्यक्ष प्राचार्य प्रा.डाॅ. विश्वास खोब्रागडे यांनी ब्रिटीशांच्या गुलामगिरीतून भारताला मुक्त करण्यात महात्मा गांधी व लाल बहादूर शास्त्री यांचे महत्वाचे योगदान असल्याचे सांगितले. ग्रीनफ्रेंड्स नेचर क्लब लाखनीचे कार्यवाह प्रा. अशोक गायधने कृष्णमुरारी कटकवार महाविद्यालय साकोली यांनी महात्मा गांधी व लाल बहादूर शास्त्री यांचे विचार व त्यांच्या कार्यावर विविध ऐतिहासिक घटनाक्रमावरील सोदाहरणे देत आपले विचार मांडले. कार्यक्रमाचे प्रास्ताविक करताना गृहअर्थशास्त्र विभाग प्रमुख प्रा.डाॅ. अर्चना निखाडे यांनी म्हात्मा गांधी व लालबहादूर शास्त्री यांच्या जीवनकार्यावर विस्तृतपणे प्रकाश टाकला.
कार्यक्रमाच्या यशस्वीतेसाठी अर्थशास्त्र विभाग प्रमुख प्रा. भेदराज ढवळे,लिपीक खेमराज वाघाये,श्रीकांत धुर्वे,अजय मेश्राम,ग्रंथालय परिचर गितेश्वरी तरोणे, शिपाई किशोरी ननोरे,अमर जांभुळकर,तेजेंद्र सदावर्ती,शोएब शेख तसेच विद्यार्थ्यांचे सहकार्य लाभले. कार्यक्रमाचे संचालन ग्रंथालय विभाग प्रमुख प्रा. विशाल गजभिये यांनी केले व आभार ग्रंथालय परिचर गितेश्वरी तरोणे यांनी व्यक्त केले.
