आशाताई बच्छाव
मराठा योद्धा मनोज जरांगे पाटील यांची उद्या नांदेडमध्ये भव्य सभा नांदेड,(ब्युरो चीफ संजय कोकेंवार)- दिनांक 1 ऑक्टोंबर रोजी सायंकाळी सहा वाजता नांदेड येथील नवा मोंढा कृषी उत्पन्न बाजार समितीच्या मैदानावर जरांगे पाटील यांची भव्य सभा होणार आहे.मराठा समाजाला कुणबी जातीचे प्रमाणपत्र देऊन या समाजाच्या ओबीसीमध्ये समावेश करावा या मागणीसाठी जालना जिल्ह्यातील अंतरवली सराटी येथील उपोषणकरते मनोज जरांगे पाटील यांनी नांदेड जिल्ह्यातील सकल मराठा बांधवांशी संवाद साधणार आहेत.मराठा आरक्षणाचा अत्यंत जिव्हाळ्याचा प्रश्न असताना सरकारने या प्रश्नावर योग्य तोडगा काढील की नाही?याची शाश्वती नसल्याने मराठा समाज बांधवांनी संपूर्ण महाराष्ट्रात आता एकवटला असून या मराठ्यांचा सरकारने अता अंत पाहू नये.नाहीतर महाराष्ट्रभर यांचा उद्रेक होईल.असा सल्लाच मराठा बांधवांनी सरकारला दिला गेला आहे.या आधीचे सरकारने वेळोवेळी फसवे आरक्षण देऊन समाजाची एक प्रकारची फसवणूकच केली गेली होती.त्यामुळे मागच्या सारखेच आताही होऊ नये यासाठी समाजातील अभ्यासू कार्यकर्त्यास समाज बांधव सरकारच्या प्रत्येक बाबीकडे बारकाईने लक्ष देत आहेत.मनोज जरांगे पाटील यांनी हिमायतनगर मधील आत्महत्या केलेल्या सुदर्शन देवराये यांच्या कुटुंबाची भेट घेणार आहेत.त्यानंतर नांदेडमध्ये ते सभा घेणार असून,नांदेड जिल्ह्यातील सर्व समाज बांधवांनी या सभेत जास्तीत जास्त संख्येने उपस्थित राहावे “अभी नही तो कभी नही” असे आव्हानच सकल मराठा समाज बांधवांच्या वतीने करण्यात येत आहे.
