आशाताई बच्छाव
▪️ वीज अंगावर कोसळून पन्नास वर्षीय महिलेचा दुर्दैवी मृत्यू
▪️ हिमायतनगर तालुक्यातील एकंबा शिवारातील दुर्दैवी घटना
नांदेड जिल्हा प्रतिनिधि
हिमायतनगर तालुक्यातील एकंबा येथे शेतात काम करत असलेल्या पन्नास वर्षीय शेतमजूर महिलेच्या अंगावर विज कोसळल्याने सदर महिलेचा जागीच मृत्यू झाल्याची घटना दि. २९ रोजी दुपारी तीन वाजताचे दरम्यान घडली.
सध्या मूग तोडणी सह खरीप पिकातील तण कढणीचे काम सुरू आहे. दि. २९ रोजी शेती कामासाठी गेलेली पन्नास वर्षीय महिला शेती काम करत होती. दरम्यान दुपारी तीन वाजताचे सुमारास अचानक आभाळात ढग जमू लागले.
कांहीं वेळात मेघ गर्जनेसह पावसास प्रारंभ झाला. पावसापासून बचाव करण्यासाठी शांताबाई पुंजाराम खंदारे (वय ५०) रा. एकंबा ता. हिमायतनगर ही महिला एका झाडाखाली आश्रयास बसली असता त्यांच्या अंगावर विज कोसळली त्यात शांताबाई या जागीच मृत पावल्या.
हिमायतनगरचे तहसीलदार आदित्य शेंडे यांच्या मार्गदर्शनाखाली मंडळ अधिकारी चव्हाण यांनी घटनेचा पंचनामा करून सदरील अहवाल पुढील कार्यवाहीस्तव शासनाकडे पाठवला असल्याचे सांगितले.
