आशाताई बच्छाव
म वि प्र संचलित नांदुर्डी विद्यालयात मेरी माटी मेरा देश या अभियानांतर्गत विविध कार्यक्रमांचे आयोजन
दैनिक युवा मराठा
निफाड प्रतिनिधी–रामभाऊ आवारे
मेरी माटी मेरा देश या शहीद जवानाच्या कुटुंबीयांचा सत्कार करणे तसेच वीरांना नमन करणे यासाठी भारत सरकारने राबविलेल्या या मोहिमेंतर्गत जनता विद्यालय नांदुर्डी येथे विविध कार्यक्रमांचे आयोजन करण्यात आले. या उपक्रमामध्ये विद्यार्थ्यांनी घराघरातून मातीचे संकलन करून आणले व संकलन केलेली माती एका कलश मध्ये एकत्रित केली. विद्यालयाचे मुख्याध्यापक डावरे डी ए, पर्यवेक्षक बिन्नर बी पी तसेच ज्येष्ठ शिक्षक शिंदे आर आर, शिंदे टी जी ,निफाडे बी के ,गावित जी सी, मोतींगे एस आर ,शिंदे डी पी यांच्या शुभहस्ते कलश पूजन करण्यात आले.यावेळी विद्यालयात वृक्षारोपण करण्यात आले. सकाळी प्रभात फेरीचे आयोजन शहिदांना नमन करण्यात आले .दुपार सत्रात नांदुर्डी गावचे सुपुत्र शहीद मेजर किशोर गंगाधर शिंदे यांचे घरी जाऊन मुख्याध्यापक डावरे डी ए, निफाडे बी के, आहेर एस आर, संजय खापरे आदींनी शहीद किशोर गंगाधर शिंदे यांच्या प्रतिमेचे पूजन करून त्यांना मानवंदना दिली. याप्रसंगी मेजर शिंदे यांच्या मातेस शाल व आरती संग्रहाचे पुस्तक देऊन येथे गौरव करण्यात आला.
