आशाताई बच्छाव
गणेश विसर्जनाला DJ मुक्त करून पारंपरिक वाद्याचा वापर करावा.-सा.पो.निरीक्षक मा.भालचंद्र तिडके
मुक्रमाबाद/ बसव्वप्पा वंटगिरे
मुखेड तालुक्यातील मुक्रमाबाद पोलीस स्टेशन हद्दीत १३१ श्री गणेशाची स्थापना करण्यात आली आहे. त्यात ग्रामीण भागात ११६ तर शहरी भागात १५ श्री गणेश मूर्तीची स्थापना करण्यात आली आहे. १०९ गणेश मंडळांनी ऑनलाईन पद्धतीने श्री गणेशाचा परवाना मिळवण्यासाठी अर्ज केला होता.
सर्वच गणेश मंडळांनी शांततेत व भक्तिमय वातावरणात गणेश उत्सव साजरा करावा. सामाजिक हितावह धार्मिक कार्यक्रम गणेश मंडळांनी घ्यावेत. त्यात रक्तदान शिबिर व इतर सामाजिक सलोखा जोपासणारे कार्यक्रम घेऊन गणेशोत्सव
अतिशय उत्साही व आनंदी वातावरणात साजरा करावा. विसर्जन मिरवणुकीत कुठल्याही प्रकारचा गुलाल उधळण न करता पुष्पांची उधळण करावी व DJ मुक्त विसर्जन मिरवणूक साजरी करून पारंपरिक वाद्याचा वापर करावा. गणेश उत्सव साजरा करताना कोणाच्याही भावना दुखावणार नाहीत याची खबरदारी घ्यावी व कायदा अबाधित राहील असाच गणेशोत्सव साजरा करून पोलीस प्रशासनाला सहकार्य करून गणेश विसर्जन शांततेत पार पाडावे असे आव्हान मुक्रमाबाद पोलीस स्टेशनचे सहाय्यक पोलीस निरीक्षक भालचंद्र तिडके आणि गोपनीय शाखेचे मरगिलवार यांनी केले आहे.
