आशाताई बच्छाव
ओझर येथील प्रशांत भरवीरकर यांना पीएच.डी प्रदान
नाशिक जिल्ह्यातील संतांच्या चरित्रपर वाङ्मयाचा अभ्यास’ या विषयावरील संशोधन
दैनिक युवा मराठा
रामभाऊ आवारे निफाड
के टी एच एम महाविद्यालय नाशिक येथील मराठी संशोधन केंद्रातील विद्यार्थी व ओझर गावचे भूमिपुत्र प्रशांत दामोदर भरवीरकर यांना सावित्रीबाई फुले पुणे विद्यापीठाची पीएच.डी (विद्यावाचस्पती) ही पदवी प्रदान करण्यात आली. ‘नाशिक जिल्ह्यातील संतांच्या चरित्रपर वाङ्मयाचा अभ्यास’ या विषयावरील संशोधनासाठी सटाणा महाविद्यालयाचे उपप्राचार्य व मराठी विभागप्रमुख प्रा.डॉ. दिलीप पुंडलिक पवार यांचे मार्गदर्शन लाभले. पुणे विद्यापीठ येथे झालेल्या मौखिकीसाठी सुप्रसिद्ध साहित्यिक व नांदेड विद्यापीठाचे माजी मराठी विभागप्रमुख डॉ.केशव सखाराम देशमुख, पुणे विद्यापीठ मराठी विभागप्रमुख डॉ.तुकाराम रोंगटे यांची प्रमुख उपस्थिती होती. विद्यावाचस्पती पदवीबाबत मविप्रचे सरचिटणीस अँड. नितीन ठाकरे, केटीएचएम कॉलेजचे प्राचार्य डॉ. आर.डी. दरेकर, डॉ. प्रभाकर देसाई, सटाणा महाविद्यालयाचे प्राचार्य डॉ. विजय मेधने, साहित्य अकादमी पुरस्कार प्राप्त लेखक व ज्येष्ठ पत्रकार संजय वाघ, वारकरी मंच प्रदेश प्रसिद्धीप्रमुख रामभाऊ आवारे सर, हेमंत भरवीरकर आदींनी अभिनंदन केले.
