आशाताई बच्छाव
जनता विद्यालय नांदुर्डी येथे शालेय मंत्रिमंडळाची बैठक संपन्न दैनिक युवा मराठा
रामभाऊ आवारे निफाड
नाशिक जिल्हा मराठा विद्या प्रसारक समाजाचे जनता विद्यालय नांदुर्डी येथे आज गुरुवार दिनांक १७/८/२०२३ रोजी मंत्री मंडळाची बैठक संपन्न झाली .विद्यालयाचे पर्यवेक्षक बिन्नर बी पी. यांनी निवडून आलेल्या मंत्री मंडळ सदस्यांचे स्वागत व अभिनंदन केले.आपल्या प्रास्ताविकात त्यांनी सर्व मंत्र्यांना आपल्या मंत्री पदाची जबाबदारी काय असते आणि ती जबाबदारी कशा पद्धतीने पार पाडायची तसेच कोणती खबरदारी घ्यायची याबाबत मार्गदर्शन केले .मंत्री म्हणून तुम्ही कोणकोणत्या बाबींकडे कटाक्षाने लक्ष ठेवावे याविषयी सविस्तर माहिती दिली.अध्यक्ष श्री.डावरे डी .ए .यांनी सर्व मंत्र्यांची ओळख करून घेतली आणि सर्व मंत्र्यांना आपल्या कामाविषयी विविध उदाहरणे देऊन प्रत्येक मंत्र्याला आपण ज्या खात्याचे मंत्री आहात त्या खात्याची जबाबदारी काय त्या खात्याला तुम्ही कशा पद्धतीने दाद द्यायची ,विद्यार्थ्यांच्या अडचणी शाळेच्या छोट्या मोठ्या अडचणी समजून घेऊन आपल्या परीने अडचणी आपण कशा सोडवायच्या या विषयी मार्ग दर्शन केले . विद्यालयाची पंतप्रधान कुमारी साक्षी जेउघाले इयत्ता १० वी या विद्यार्थिनीने पंतप्रधान या नात्याने सर्व मंत्र्यांकडून जबाबदारीने काम पूर्ण करून घेईल व विद्यार्थ्यांच्या हितासाठी मी माझ्या मंत्री मंडळातील मंत्र्यांना विद्यार्थ्यांच्या हितासाठी पर्यवेक्षक साहेब व मुख्याध्यापक साहेब यांनी केलेल्या मार्गदर्शनाचा उपयोग योग्य पद्धतीने करेल असे आश्वासन देऊन उपस्थितांचे आभार मानले व अध्यक्षांच्या परवानगीने मीटिंग संपल्याचे घोषित केले.
