आशाताई बच्छाव
चुंचाळे ग्रामसेविकेला सक्तीच्या रजेवर पाठवण्याच्या लेखी आश्वासना नंतर महिला सरपंच व सदस्यांचे उपोषण मागे
जळगांव जिल्हा ब्यूरो चिफ, योगेश पाटील.
यावल : यावल पंचायत समिती समोर चुंचाळे ग्रामपंचापतच्या महिला सरपंच व सदस्यांनी ग्रामसेविकेची बदली करण्याच्या मागणीसाठी उपोषण सुरू केले होते. उपोषणकर्त्यांना गटविकास अधिकारी यांनी ग्रामसेविकेला सक्तीच्या रजेवर पाठवून तेथे प्रभारी ग्रामसेवक नियुक्त करू, असे लेखी आश्वासन दिल्यानंतर शुक्रवारी उपोषण मागे घेण्यात आले.
आश्वासनानंतर उपोषण मागे यावल पंचायत समिती समोर गुरूवारी चुंचाळे, ता.यावल येथील ग्रामपंचायतीच्या सरपंच नौशाद मुबारक तडवी, उपसरपंच मनोज फकीरा धनगर यांच्यासह सर्व सदस्यांनी आमरण उपोषण सुरू केले होते. ग्रामपंचायतीच्या ग्रामसेविका प्रियंका अशोक बाविस्कर यांच्या बदलीसाठी करण्यात आलेल्या या उपोषणकर्त्यांची सायंकाळी जिल्हा परीषदेचे माजी गटनेता प्रभाकर सोनवणे, भाजपाचे उजैन्नसिंग राजपूत, पंचायत समितीचे माजी गटनेता शेखर पाटील, भाजपाचे विलास चौधरी, युवा मोर्चाचे सागर कोळींसह पदाधिकाऱ्यांनी भेट घेतली व पंचायत समितीच्या गटविकास अधिकारी डॉ.मंजुश्री गायकवाड यांच्यासोबत चर्चा करीत प्रशासनाकडून उपोषणकर्त्यांना ग्रामसेविका यांना सक्तीच्या रजेवर पाठवून चुंचाळे ग्रामपंचायतीच्या तूर्त कारभार ग्रामसेवक हेमंत जोशी यांच्याकडे सोपवण्याचे लेखी आश्वासन देण्यात आल्यानंतर उपोषण मागे घेण्यात आले.
