आशाताई बच्छाव
जळगाव जि.प. समोर आत्मदहनाचा प्रयत्न, अतिक्रमणाचा हटविण्याची मागणी
जळगाव जिल्हा ब्यूरो चिफ, योगेश पाटील.
जळगाव जि.प. समोर आत्मदहनाचा प्रयत्न, अतिक्रमण हटविण्याची मागणी
जळगाव- भडगाव तालुक्यातील कजगाव येथील बसस्थानक परिसरात अतिक्रमण झाले आहे. यावर कारवाईसाठी वारंवार तक्रार करूनही दुर्लक्ष होत असल्याने तक्रारदार भूषण पाटील या तरूणाने आज(२० जून) दुपारी जिल्हा परिषद समोर अंगावर पेट्रोल ओतून आत्मदहन करण्याचा प्रयत्न केला. मात्र घटनास्थळी पोलीस हजर असल्याने पुढील अनर्थ टळला आहे.
भडगाव तालुक्यातील कजगाव बसस्थानक परिसरात अतिक्रमण करण्यात आलेले आहे. हे अतिक्रमण काढण्या बाबत तक्रारदार भूषण नामदेव पाटील, स्वप्निल प्रल्हाद पाटील, चेतन रवींद्र पाटील आणि जीवन प्रभाकर चव्हाण सर्व रा. कजगाव ता. भडगाव यांनी जिल्हाधिकारी कार्यालय, भडगाव तहसील कार्यालय, पंचायत समिती जिल्हा परिषद यांच्याकडे वारंवार निवेदन तक्रारी व अर्ज केलेले आहे. अतिक्रमण काढण्याबाबत प्रशासनाकडून कोणतीही कारवाई झालेली नाही, यासंदर्भात यापूर्वी या तरुणांनी
जिल्हाधिकारी कार्यालयासमोर आणि पाचोरा प्रांताधिकारी कार्यालयासमोर आत्मदहनाचा प्रयत्न केला होता, परंतु त्यावेळी देखील खोटे आश्वासने देऊन जबाबदारी टाळण्याचा प्रयत्न केला.
याप्रकरणात अद्यापपर्यंत कोणतीही कारवाई न झाल्याने तक्रारदार भूषण नामदेव पाटील याने आज अंगावर पेट्रोल टाकू आत्मदहनाचा प्रयत्न केला. यावेळी पोलिसांनी या तरुणास ताब्यात घेतले त्यामुळे पुढील अनर्थ टळला.
