आशाताई बच्छाव
येवल्यातील पैठणी विणकरीला रिलायन्स फाउंडेशनने असा दिला मोठा आधार
प्रतिनिधी. प्रवीण अहिरराव युवा मराठा न्यूज
कोविड महामारी आणि त्यानंतरच्या लॉकडाऊन मुळे पैठणी विनकरांचे जीवन बेरंग झाले. अशा परिस्थितीत रिलायन्स फाउंडेशनने पैठणीची संबंधित बाळकृष्ण नामदेव कापसे यांसारख्या अनेकांना मदतीचा हात पुढे केला आज कापसे हे केवळ स्वतःच्या पायावर उभे नाहीत तर पैठणी व्यवसायाशी निगडित 250 हून अधिक कारागीर, कामगार आणि लहान व्यावसायिकांना मदत करत आहेत महाराष्ट्रातील शिर्डी पासून 30 किमी अंतरावर येवला शहराजवळील वडगाव येथे
राहणारा बाळकृष्ण पैठणीचे रंग पसरविण्यासाठी मुंबईतील नीता मुकेश अंबानी कल्चरल सेंटरमध्ये आला होता.
विनकरांच्या संघर्षाची आठवण करून देत आणि रिलायन्स फाउंडेशनने वेळेवर केलेल्या मदतीचे स्मरण करून बालकृष्ण म्हणाले, जेंव्हा लॉकडाऊनचा फटका विणकरांना बसला, तेव्हा रिलायन्स फाउंडेशनच्या सहकार्याने आम्हाला पैठणी दुपट्ट्याच्या रुपात विणकामासाठी नवीन बाजारपेठ मिळाली . स्वदेश प्रदर्शनाच्या माध्यमातून श्रीमती नीता अंबानी यांनी आम्हाला आमचि कला आंतरराष्ट्रीय ग्राहकांसमोर दाखवण्याची संधी दिली. प्रदर्शनामुळे आमचे कार्य आता जगाच्या कानाकोपऱ्यात पोहोचले आहे कलेच्या संरक्षण म्हणून श्रीमती अंबानी यांच्यामुळे माझ्यावर खूप प्रभाव पडला आहे.
