आशाताई बच्छाव
अजमीर सौंदाणे सरपंच अपात्रतेच्या निर्णयाला ग्रामविकास मंत्र्यांची स्थगिती
मनोहर देवरे (प्रतिनिधी युवा मराठा न्यूज नेटवर्क)
अजमीर सौंदाणे येथील लोकनियुक्त सरपंच धनंजय पवार यांच्यावर नुकताच कर्तव्यात् कसूर केल्याचा ठेवून विभागीय आयुक्त नाशिक यांनी अपात्र घोषित केले होते. या अन्यायकारक निकालच्या विरोधात सरपंच धनंजय पवार यांनी ग्रामविकास मंत्री यांचेकडे अपील दाखल केला होता. यावर आज सुनावणी होऊन आयुक्तांच्या निर्णयाला ग्रामाविकास मंत्री गिरीश महाजन यांनी स्थगिती दिली आहे.
स्थगिती च्या निर्णयाचे संपूर्ण अजमीर सौंदाणे गावाने स्वागत केले असून समाधान व्यक्त केले आहे. अजमीर सौंदाणे गावातील नागरिकांनी आयुक्तांच्या निर्णयाविरोधात तहसील कार्यालय बागलाण येथे शेकडो नागरिकांनी जमून निवेदन दिले होते व उपोषणाचा इशाराही दिला होता. कुठल्याही प्रकारचा भ्रष्टाचार झालेला नसतांनाही फक्त राजकीय विरोधामुळे सरपंचांवर अपात्रतेचा अन्यायकारक निर्णय झाला असल्याचे ग्रामस्थांचे म्हणणे होते, स्थगितीचा निर्णय समजताच गावातील तरुणांनी फटाके फोडून जल्लोष व्यक्त केला आहे व सरपंचांची राजकीय लोकप्रियता व प्रगती थांबवण्यासाठीच अपात्रतेचा प्रकार घडला असल्याचे मत नागरिकांनी व्यक्त केले आहे.
मी केलेली कामे ही गावाच्या हिताचीच असून त्यात कुठेही माझा वैयक्तिक स्वार्थ नव्हता, किंवा कुठल्याही प्रकारचा भ्रष्टाचार झालेला नव्हता. परंतु प्रशासकीय चुकीचे खापर माझ्यावर फोडून नियोजनबद्ध पणे माझी राजकीय तसेच समाजिक प्रतिमा मालिन करण्यासाठी ही सर्व कार्यवाही झाली. परंतु सर्व गाव माझ्या पाठीमागे असल्याने माझा सत्याचा लढा मी यापुढेही सुरूच ठेवणार आहे. आयुक्तांच्या निर्णयाला स्थगिती मिळाल्याने संपूर्ण गावाने आनंदोत्सव साजरा केला आहे.(सरपंच धनंजय पवार)
