आशाताई बच्छाव
वडगावच्या एकाला पाच लाखांना गंडा
पेठ वडगाव/कोल्हापूर राहुल शिंदे: ऑनलाइन पाच लाखांची फसवणूक केल्या प्रकरणी वडगाव पोलिस ठाण्यात् चार जणावर गुन्हा दाखल झाला.याप्रकरणी हर्षल एस परमार,डिंपी सतपती, दिव्या सक्सेना, अशिष दिक्षित(सर्व पुणे) यांच्या विरोधात गुन्हा दाखल झाला आहे.दीपक धन्यकुमार उपाध्ये(रा.पेठवडगांव,ता.हातकणंगले) यांनी फिर्याद दिली.उपाध्ये पुण्यातील एका कंपनीत कामाला आहेत. सध्या वर्क फ्रॉम होम वर काम करत आहेत.पुण्यातील परमार, सतपति ,सक्सेना आणि दीक्षित यांनी विमा पॉलिसी चा एजंट कोड हटवून स्वतःचा कोड लावला.त्यानंतर वार्षिक हप्ता कमी होऊन इतर फायदे मिळतील असे आमिष दाखवून पाच लाख रुपये बँक खात्यातून ऑनलाईन स्वीकारून फसवणूक केली.याबाबत पेठ वडगाव पोलिस ठाणयात गुन्हा दाखल झाला असून तपास सहाय्यक पोलीस निरीक्षक भीमगोंडा पाटील, हवालदार पतंगराव रेणुसे करीत आहेत.
