आशाताई बच्छाव
पुणे, हवेली तालुका प्रतिनिधी श्री संजय वाघमारे: आज ७५ वा मराठवाडा मुक्ती संग्राम दिन! आज मराठवाडा मुक्ती संग्राम दिन ७५ वा साजरा होत आहे. या मराठवाडा मुक्ती संग्राम दिनाच्या दिवशी औरंगाबाद या ठिकाणी मुख्यमंत्री यांच्या हस्ते ध्वजारोहण करण्यात आले .मुख्यमंत्र्यांनी मराठवाडा मुक्ती संग्राम च्या हुतात्म्यांना आदरांजली व्यक्त केली . त्यांनी सांगितले की मराठवाड्याच्या विकासासाठी मी कटिबद्ध आहे .त्यासाठी लागेल तेव्हा निधी मी देण्यासाठी तयार आहे. त्याचबरोबर उपमुख्यमंत्री फडणवीस यांनी मराठवाडा मुक्ती संग्राम दिन हा दरवर्षी उत्साहात सादर होत आहे असे सांगितले. आजचा दिवस विकासाचा संकल्प घेण्याचा आहे असे त्यांनी सांगितले. यावरती शिवसेनेने मुख्यमंत्र्यावरती टीका केली आहे. शिवसेनेचे विरोधी पक्षनेते अंबादास दानवे यांनी सांगितले की पहिल्यांदाच मराठवाडा मुक्ती संग्राम दिनाच्या वेळेत बदल करण्यात आला, सकाळी नऊ वाजता ध्वजारोह होत असताना ते यावर्षी सात वाजता करण्यात आले. मुख्यमंत्र्यांनी पहिल्यांदा मराठवाडा मुक्ती संग्राम दिन याला वेळ द्यावा अशी आमची इच्छा होती, परंतु त्यांनी वेळेत बदल करून तो या मराठवाडा मुक्ती संग्राम दिनाचा एक प्रकारे अपमानच केला आहे असं त्यांचं म्हणणं आहे. त्यामुळे शिवसेना व शिंदे गट हे आमने-सामने आले असे दिसून आले. एकंदरीतच मराठवाडा मुक्ती संग्राम दिन औरंगाबाद या ठिकाणी खूप उत्साहात पार पडत आहे असे दिसून आले.
