आशाताई बच्छाव
ऑनलाइन टेंडर मध्ये चुका केल्याने सीईओ यांनी कर्मचाऱ्याला केले निलंबित
क्लर्कच्या जागी प्रशासनाने बसविले ड्रायव्हरला
खडकी,(प्रतिनिधी उमेश पाटील) : खडकी कॅन्टोन्मेंट बोर्डाच्या ऑनलाइन टेंडर प्रक्रियेत चुक केल्याच्या कारणावरून बोर्डांच्या मुख्य कार्यकारी अधिकारी (सीईओ) यांनी एका कर्मचाऱ्याला निलंबित केले आहे. बोर्डाच्या आरोग्य विभागाच्या वतीने काढण्यात येणार्या टेंडरमध्ये चूक झाली आहे. विशेष म्हणजे टेंडर काढण्यासाठी क्लर्कच्या जागेवर प्रशासनाने चक्क एका ड्रायव्हरची नियुक्ती केली आहे. क्लर्कच्या जागेसाठी ड्रायव्हरची वर्णी लावण्यात आली असल्याने बोर्ड प्रशासनाने क्लार्कच्या पोस्ट वर्षानुवर्षे का भरल्या नाहीत असा प्रश्न आता निर्माण झाला आहे.
बोर्डाच्या आरोग्य विभागाच्या वतीने ऑनलाइन टेंडर प्रक्रिया काढण्याचे काम सुरू होते. ऑनलाईन टेंडरसाठी बोर्डाचे सीईओ रॉबिन बलेचा यांनी कर्मचारी बापू भालेराव याला काही सूचना केल्या होत्या, मात्र भालेराव याने सीईओच्या सूचना पायदळी तुडवीत मनमानी पध्दतीने टेंडर मध्ये काही घोळ केला. टेंडरमध्ये सीईओ यांच्या आदेश धुडकावित भालेराव यांनी मनमानी पध्दतीने केलेले घोळ हे कोणत्या ठेकेदारांसाठी फायद्याचे होते हेदेखील तपासणे आता गरजेचे झाले आहे.
टेंडरमध्ये चुकीचे पॉईंट टाकण्यात आल्याचे समजताच सीईओ यांनी तातडीने भालेराव यांना निलंबित केले. दरम्यान आरोग्य विभागाच्या क्लर्क पदावर सफाई कर्मचारी म्हणून नेमणूक झालेल्या बापू भालेराव यांची नेमणूक करण्यात आली आहे. कालांतराने भालेराव याला ड्रायव्हर म्हणून घेण्यात आले होते. मात्र क्लर्क या पदावर ड्रायव्हर भालेराव याला बसविण्यात आल्याने किती विश्वासहार्थाने कार्यालयीन काम होतील असा प्रश्न आता उभा ठाकला आहे. दरम्यान वर्षानुवर्षे बोर्डामध्ये अनेक पदे का भरण्यात आली नाही असा प्रश्न आहे निर्माण झाला आहे.
कोट
आरोग्य विभागाच्या वतीने टेंडर काढण्यात येत आहे, टेंडरसाठी बापू भालेराव यांनी चूक केली असल्याचे सीईओ यांना निदर्शनास आले आहे. सीईओ यांनी तडकाफडकी भालेराव यांना निलंबित केले असून याबाबत चौकशी करण्यात येणार आहे.
शिरीष पत्की
आरोग्य अधीक्षक
