आशाताई बच्छाव
दिवंगत नगराध्यक्ष डॉ. केळकर यांच्या जयंतीप्रीत्यर्थ बालगृह संस्थेला ॲड. राजशेखर मलुष्टे यांनी दिली देणगी
रत्नागिरी,(सुनील धावडे ब्युरो चीफ युवा मराठा न्युज नेटवर्क) : रत्नागिरीचे सर्वाधिक काळ (११ वर्ष ) व पहिले लोकनियुक्त नगराध्यक्ष, भाजपा माजी जिल्हाध्यक्ष, अनेक शैक्षणिक, सामाजिक संस्थांच्या वाटचालीत मोलाचे योगदान देणारे थोर समाजसेवक डॉ. ज. शं. केळकर यांची १७ ऑगस्टला जयंती साजरी करण्यात आली. जयंतीदिनी त्यांच्या पवित्र स्मृतीस विनम्र अभिवादन करून बालगृह, निरीक्षणगृह संस्थेला प्रख्यात वकील ॲड. राजशेखर मलुष्टे यांनी देणगी दिली. ते या संस्थेचे नियमित देणगीदार आहेत. त्यांनी काल दुध फंडासाठी देणगी रक्कम रू. २१००/- संस्थेचे पदाधिकारी राजेंद्र पटवर्धन यांच्याकडे सुपुर्द केली. संस्थेतर्फे त्यांनी ॲड. मलुष्टे यांचे आभार मानले. तसेच जयंतीचे औचित्य साधून माळनाका येतील डॉ. ज. शं. केळकर मार्गफलकाला पुष्पहार अर्पण करण्यात आला. याप्रसंगी ॲड. मलुष्टे, राजेंद्र पटवर्धन यांच्यासमवेत मनोज पाटणकर उपस्थित होते.
