आशाताई बच्छाव
मनमाड शहरात निषेध मोर्चा व जेल भरो आंदोलन…
नांदगांव प्रतिनिधी अनिल धामणे
2002 साली झालेल्या बिलकीस बानो बलात्कार प्रकरणातील 11 दोषींना मुक्त करण्यात आलं आहे. व माठातील पाणी पिल्याने मारहाणीत दलित विद्यार्थ्याचा मृत्यू झाला असल्याने तसेच भंडारा गोंदिया जिल्ह्यातील आदिवासी महिलेवर झालेल्या बलात्कार प्रकरणाचे
राजस्थान, गुजरात ,भंडारा घटनेचे पडसाद मनमाड शहरात उमटले असून सर्वत्र संताप व्यक्त केला जात आहे. अशातच मनमाड मधील भीम सैनिक व मुस्लिम संघटनेने शहरातून रॅली काढत हातात काळे झेंडे घेऊन जाहीर निषेध करत,जेल भरो आंदोलन करण्यात आले,बलात्कार करणाऱ्यांना माफी देणाऱ्या गुजरात सरकारचा धिक्कार असो,बलात्कारी खुनी गुजरात सरकारचा निषेध असो,दलित विद्यार्थ्याचा बळी घेणाऱ्या शिक्षकाला फाशी द्या,मोदी सरकारचा निषेध असो,बेटी पढाव बेटी बचाव या ढोंगी घोषणा देणाऱ्या मोदी सरकारचा निषेध असो,नारी सन्मानाची फक्त घोषणा करणाऱ्या व प्रत्यक्षात नारीची बेइज्जत करणाऱ्या मोदी सरकारचा जाहीर निषेध असो अश्या घोषणा देत शहरातील प्रमुख मार्गाने हे आंदोलन करण्यात आले,यावेळी शहरातील सामाजिक संघटना,सर्व धर्मिय नागरिक,राजकिय पक्ष्याचे पदाधिकारी भीम सैनिक,मुस्लिम संघटना व महिला वर्ग मोठया संख्येने या रॅलीत सहभागी झाले होते.
