आशाताई बच्छाव
नांदेड ते हैद्राबाद राज्य महामार्गावर क्रुझर गाडीचे टायर फुटून झालेल्या भिषण अपघातात दोन ठार तर दहा जण गंभीर जखमी
नांदेड जिल्हा ब्युरो चीफ मनोज बिरादार (युवा मराठा न्यूज नेटवर्क)
नांदेड हैद्राबाद राज्य महामार्गावर कुष्णूर येथे क्रुझर गाडीचे टायर फुटून झालेल्या भिषण अपघातात दोन ठार तर दहा जन गंभीर जखमी झाल्याची घटना आज दि.१८ ऑगस्ट रोजी सायंकाळी ४ वाजताच्या सुमारास घडली असून गंभीर जखमीनां पुढील उपचारासाठी नायगाव ग्रामीण रूग्णालयात व नांदेड येथे पाठवण्यात आल्याची माहिती प्रत्यक्षदर्शी कडून सांगण्यात आले.
याबाबत सविस्तर माहिती अशी की, देगलूर तालुक्यातील देगाव येथून नांदेडकडे नातेवाईकाच्या अंत्यविधिसाठी जात असताना नायगाव तालुक्यातील कुंटूंर पोलिस ठाणे हद्दीतील कुष्णूर येथील बाबा रामदेव धाब्याजवळ नांदेड ते हैद्राबाद राज्य महामार्गावरून नांदेडकडे जाणा-या क्रूझर गाडी क्रं- के ए ३२ एम ६४२३ चे टायर फुटल्याने या अपघातात आमदबी खुलबोदीन शेख वय ५० वर्षे रा.देगाव ता.देगलूर व महेबुब बाबु शेख वय ४५ वर्षे रा. गोनेगाव ( मुखेड) यां दोघांचा मृत्यू झाला असून गंभीर जखमी झालेल्यांना पुढील उपचारासाठी नायगाव ग्रामीण रूग्णालयात व नांदेड येथे पाठवण्यात आल्याची माहिती प्रत्यक्षदर्शी कडून सांगण्यात आले. घटनास्थळी बिलोलीचे सहाय्यक पोलिस अधीक्षक आर्चित चांडक,सपोनि महादेव पुरी यांनी भेट दिली आहे.
