आशाताई बच्छाव
अवैध मुरूम उत्खननावर जिल्हाधिकारी यांची कार्यवाही, तीन जेसीबी व एक हायवा जप्त.
नांदेड जिल्हा ब्युरो चीफ मनोज बिरादार (युवा मराठा न्यूज नेटवर्क)
नायगाव बाजार-नायगाव तालुक्यातील अवैध मुरुम उत्खननावर स्वतः जिल्हाधिकाऱ्यानी कार्यवाई करीत तीन जेसीबी व एक हायवा गाडी जप्त केली. कोलंबी जवळ गोधमगाव शिवारात २१ जुलै करण्यात आली. सदर वाहने कहाळा टोल नाक्यावर लावण्यात आले असून त्यांच्याकडून २४ लाख ५० हजार रुपयाची दंडाची नोटीस बजावण्यात आल्याची माहिती नायगवचे तहसीलदार गजानन शिंदे यांनी दिली आहे.
नांदेड चे जिल्हाधिकारी विपीन इटनकर हे शासकीय कामासाठी मुखेड येथे गेले होते. परत येताना कोलंबी गोधमगाव शिवारात तीन जेसीबी आणि एक हायवा गाडी उभी असलेली दिसली. ज्या ठिकाणी ही यंत्रणा उभी होती तेथून जवळ मुरुमाचे उत्खणन केल्याचे दिसून आले.
त्यामुळे हे तीन जेसीबी व हायवा गाडी जप्तीची कार्यवाही जिल्हाधिकारी इटनकर यांनी केली. असली तरी गोधमगाव ते नायगाव ज्या ठिकाणी मुरूम उतखनन गेल्या महिनाभरापासून चालू असताना नायगाव महसूल कोणतीच कार्यवाही न करता गप्प का होते यावर उलट सुलट चर्चा होत आहे. त्या ठिकाणी तहसीलदार नायगाव व उपविभागीय अधिकारी बिलोली यांनी अभय दिल्यानेच हा प्रकार घडल्याचे बोलले जात आहे.
जिल्हाधिकारी यांनी मुरूम पकडल्याने या मुरूमला परवानगी नसल्याचे उघडकीस आले आहे.जिल्हाधिकारी यांनी मांजरमचे तलाठी शहाणे यांना पंचनामा करावयास लावले. अवैध मुरुमाचे उत्खनन करण्याच्या उद्देशाने ही वाहने तेथे उभी केली असल्याचे पंचनाम्यात नोंद घेवून तसा अहवाल तहसीलदारांना सादर केला आहे. प्राप्त अहवालानुसार तहसीलदार गजानन शिंदे यांनी दंडात्मक कारवाई करण्यासाठी उपविभागीय अधिकारी बिलोली यांचेकडे प्रस्ताव पाठवला होता या प्रकरणी जिल्हाधिकारी यांच्या आदेशानुसार नायगाव तहसीलदार यांनी २४ लाख ५० हजार रु.चा दंड लावून संबधित जी जी कन्स्ट्रक्शन या गार्गी कंपनीला दंड लावला आहे.
