आशाताई बच्छाव
पेठ वडगावत भरपावसात विद्यार्थ्यांच्या बसवर कारवाई कोल्हापूर,(राहुल शिंदे ब्युरो चीफ युवा मराठा न्युज नेटवर्क):वाठार वडगाव रस्त्यावर इचलकरंजी कडे निघालेल्या महाविद्यालयाच्या गाडीतील विद्यार्थ्यांना कोल्हापूर विभागातील एका मोटर वाहन निरीक्षकाने भर पावसात रस्त्यावर उतरून त्या बसवर कारवाई केली.या प्रकाराने पालक वर्गात तीव्र प्रतिक्रिया म्हटल्या आहेत.या प्रकाराची संबंधित संस्थेच्या अध्यक्ष यांनी मुख्यमंत्री पोर्टल वर तक्रार देखील केली आहे.
मोटर वाहन निरीक्षक पेठवडगाव परिसरात गेली दोन दिवस भर पावसात कारवाई करत सुटले आहेत.मंगळवारी एका नगर परिषदेच्या पाणीपुरवठा कर्मचाऱ्यावर ही त्यांनी कारवाई केली.गुरुवारी सायंकाळी पाचच्या दरम्यान वठार वडगाव रोडवर एका महाविद्यालयाच्या गाडीतील विद्यार्थ्यांना रोडवर उतरत मोटर वाहन निरीक्षक यांनीआपली गाडी उलट दिशेने लावत असंवेदनशीलतेचा कळसच गाठला.कारवाई करत असताना पावसात बस गाडीतील विद्यार्थ्यांना उतरवणे चुकीचे असल्याने पालकांमध्ये संतप्त प्रतिक्रिया उमटल्या आहेत.अशाप्रकारे विद्यार्थ्यांना उतरवून कारवाई करणे चुकीचे आहे.मोटर वाहन निरीक्षकाने आपल्या अधिकाराचा गैरवापर करणे अयोग्य असून त्याची गंभीर दखल घेणे गरजेचे आहे.विद्यार्थी वाहतूक करणाऱ्या बस ने देखील परिवहन विभागाच्या नियमांचे पालन करणे आवश्यक आहे.याची खबरदारी संस्थाचालकांनी ही घ्यावी अशी मागणी होत आहे.
