आशाताई बच्छाव
अकोला,(सतिश लाहुळकर ब्युरो चीफ युवा मराठा न्युज नेटवर्क): बाळापूर मतदारसंघातील शिवसेना आमदार नितीन देशमुख यांच्या पत्नीने अकोला पोलिसांकडे तक्रार दाखल केली आहे. कालपासून माझे पती बेपत्ता असून त्यांना लवकर शोधावे, असे प्रांजल देशमुख यांनी आपल्या तक्रारीत म्हटले आहे.
नितीन देशमुख यांच्या पत्नी प्रांजल देशमुख यांनी सिव्हिल लाईन अकोला पोलीस स्टेशनला दिलेल्या तक्रारीनुसार, काल संध्याकाळी सहा वाजता माझे त्यांच्याशी शेवटचे बोलणे झाले. मी थोड्याचवेळात मुंबईहून अकोल्याला येण्यासाठी निघेन, असे त्यांनी मला फोनवर सांगितले.
सात वाजल्यपासून त्यांचा फोन बंद आहे. त्यांचा पीए आणि सहकारी स्टेशनवर त्यांची वाट बघत होते. मात्र, ते विधानभवनातून परत आलेच नाहीत. कालपासून माझा त्यांच्याशी कोणताही संपर्क झालेला नाही.
त्यामुळे मी बेपत्ता असल्याची तक्रार दाखल केली आहे. आता पोलिसांनी त्यांना तातडीने शोधावे, असे प्रांजल देशमुख यांनी सांगितले. नितीन देशमुख यांच्या पत्नीच्या तक्रारीमुळे राजकीय वर्तुळात खळबळ उडाली आहे.
