आशाताई बच्छाव
भरतीत, कार्यरत पोलिसांच्या पाल्यानाही आरक्षण द्या ! पोलीस बॉईज असोसिएशनचे मुख्यमंत्री, गृहमंत्री, महासंचालकांना साकडे!! जिल्हाधिकारीमार्फत दिले निवेदन
ब्युरो चिफ स्वप्निल देशमूख यूवा मराठा न्यूज बुलडाणा
बुलडाणा:-: पोलीस भरतीत सेवेत कार्यरत पोलीस कर्मचाऱ्यांच्या पाल्यासाठीही आरक्षण असावे ही न्यायोचित मागणी महाराष्ट्र स्टेट पोलीस बॉईज असोसिएशनने थेट मुख्यमंत्री, गृहमंत्री , पोलीस महासंचालक यांच्याकडे रेटली आहे. त्यासाठी जिल्हाधिकारी एस रामामुर्ती यांच्या मार्फत पाठविलेल्या निवेदनाद्वारे या मान्यवरांना साकडे घालण्यात आले.
पोलीस भरतीत पोलीस बॉईज ला आरक्षण असले तरी ती तरतूद फक्त निवृत्त कर्मचाऱ्यांच्या पाल्यासाठी आहे. मात्र ५८ व्या वर्षी कर्मचारी निवृत्त होतात, तेंव्हा बहुतेक पाल्यांची नोकरीविषयक वयोमर्यादा संपलेली राहते.
यामुळे कागदोपत्री ३ टक्के आरक्षण असूनही त्यांची नोकरीची संधी हुकते अन जीवन अंधारमय होते. त्यामुळे सेवेतील कर्मचाऱ्यांच्या पाल्यासाठी देखील आरक्षण असावे आणि आरक्षण ५ टक्के करावे या न्यायोचित मागण्यासाठी पोलीस बॉईज प्रयत्नशील आहे. त्याचाच एक भाग म्हणून काल निवेदन देण्यात आले. या निवेदनाच्या प्रति पालकमंत्री राजेंद्र शिंगणे, खासदार प्रतापराव जाधव, आमदार संजय गायकवाड यांनाही देण्यात आल्या आहे.
