राजेंद्र पाटील राऊत
अहेरी-वांगेपल्ली मधील ले आऊटधारकांकडून नियमाबाहयरित्या झालेल्या बांधकामाची चौकशी करा..!!
शासनाने केलेल्या बांधकामाची ले आऊटधारकांकडून खर्च वसुल करा..!!
जिल्हा परिषद माजी अध्यक्ष अजय कंकडालवार यांनी केली जिल्हाधिकारी यांच्याकडे मागणी..!!
गडचिरोली,(सुरज गुंडमवार ब्युरो चीफ युवा मराठा न्युज नेटवर्क) :- अहेरी-वांगेपल्ली मधील ले आऊटधारकांकडून नियमाबाहयरित्या झालेल्या बांधकामाची चौकशी करून शासनाने केलेल्या बांधकामाची ले आऊटधारकांकडून खर्च वसुल करण्यात यावा. अशी मागणी जि. प. माजी अध्यक्ष अजय कंकडालवार यांनी जिल्हाधिकारी यांच्याकडे मागणी केली आहे.
आपल्या उपविभाग अंतर्गत अहेरी-वांगेपल्ली येथील सन २००१ ते आजपावेतो टाकण्यात आलेली संपूर्ण ले-आऊटची चौकशी करण्यात यावी. आपल्या उपविभाग अंतर्गत शासनाने जे अकृषक जमीनीचा आदेश पारीत केला.त्या आदेशामध्ये जे नियम व अटी लागू करण्यात आले होते. त्या आदेशाच्या उल्लंघन करुन आपल्या उपविभागातंर्गत मौजा अहेरी-बांगेपल्ली येथे नियमाबाहय ले-आऊट टाकण्यात आलेले आहे..!!
सदर ले-आऊटमध्ये भुखंड धारकांनी खुली जागा अंतर्गत रस्ते व रस्त्याच्या बाजुची गटारे सार्वजनिक बांधकाम विभागाच्या प्रमाणकाप्रमाणे संबंधीत ले-आऊट विकसीत करून नगर पंचायत, अहेरी यांच्या ताब्यात दयाचे होते, परंतु तसे न करता शासन कडून आलेली निधीच्या वापर करुन रस्ते, नाले, गटारेची बांधकाम करण्यात आले. सदर ले-आऊट नियमाबाहयरित्या झालेल्या बांधकामाची सखोल चौकशी करुन ले-आऊटधारकांकडुन शासनाकडून झालेल्या खर्च वसुल करण्यात यावी व ले -आऊटधारकांवर सखोल चौकशी करून त्यांच्यावर फौजदारी गुन्हा दाखल करण्यात यावा. अशी मागणी निवेदनाद्वारे केली आहे..!!
