राजेंद्र पाटील राऊत
पिंपरी-चिंचवड प्रतिनिधी उमेश पाटील
श्री विठ्ठल मंदिर वरील आळी दापोडी येथे श्री विठ्ठल – रुक्मिणी माता मूर्ती स्थापनेचा ९८ वा वर्धापन दिन उत्साहात संपन्न झाला यावेळी कीर्तनाचा कार्यक्रम घेण्यात आला कीर्तनामध्ये पहिल्या दिवशी सकाळी काकड आरती दुपारी महिला भजन व हरिपाठ व सायंकाळी ह भ प आनंद महाराज तांबे विश्वस्त चिंचवड देवस्थान यांचे कीर्तन झाले दुसऱ्या दिवशी काल्याचे किर्तन ह भ प नवनाथ महाराज लिमण यांचे झाले. पाहता गोवळी! खाय त्यांची उष्टावळी! करती नामाचे चिंतन!गडी कान्होंबाचे ध्यान! या अभंगावर त्यांनी निरूपण केले कली युगामध्ये नामाचे विशेष महत्व आहे असे त्यांनी सांगितले मनुष्याचा जन्म नाम घेण्यासाठी आहे तरच मनुष्य जीवनात आनंद निर्माण होऊ शकतो असे त्यांनी आपल्या कीर्तनात सांगितले यावेळी महाराजांच्या अनाथ आश्रम साठी अनिकेत राजेंद्र काटे स्वीकृत नगरसेवक व राजेंद्र काटे यांच्यावतीने आश्रमास पाच हजार रुपये देणगी देण्यात आली तसेच भाविक भक्तांनी मोठ्या प्रमाणात आश्रमास देणगी देण्यात आल्या यावेळी
परिसरातील सर्व आजी माजी नगरसेवक व कार्यकर्ते मोठ्या प्रमाणात व तसेच भाविक भक्त उपस्थित होते.
मंदिराचे अध्यक्ष ह.भ.प.सोपानराव भाडळे यांनी सर्वाचे आभार मानले.
