राजेंद्र पाटील राऊत
विद्यार्थ्यांच्या शैक्षणिक ज्ञानदानात शिक्षकांनी कसर करु नये..मु.अ.संजय खरात.
माजी सहकार मंत्री कै.विनायकराव पाटील यांच्या पुण्यतिथीनिमित्त कार्यक्रम संपन्न..
—————————————-
औरंगाबाद: बबनराव निकम- विभागीय संपादक युवा मराठा वेब न्यूज चॅनल अँन्ड पेपर
विद्यार्थ्यांच्या शैक्षणिक ज्ञानदानात शिक्षकांनी कसर करु नये, आणि विद्यार्थ्यांनी देखील ज्ञानार्जन करण्यापासून वंचित राहू नये.कारण माजी सहकार मंत्री, शिक्षण महर्षी,सहकार महर्षी, कै.विनायकराव पाटील यांच्या मुळ संकल्पनेतून मराठवाडा शिक्षण प्रसारक मंडळाची स्थापना करण्यात आली. ग्रामीण भागातील बहुजनांचे मुले शिक्षणापासून वंचित राहू नये.हा प्रमाणिक हेतू त्यांचा होता त्यांच्या पुण्यतिथी निमित्त सर्वांनी एक प्रतिज्ञा करावी.तरच विनायकराव पाटील यांना अभिवादन केल्याचे समाधान लाभेल.असे प्रतिपादन न्यू हायस्कूल तलवाडा शाळेचे मुख्याध्यापक संजय खरात यांनी पुण्यतिथी निमित्त तलवाडा येथे बोलतांना केले.
विनायकराव पाटील यांचे भाचे जयप्रकाश पवार यांच्या अध्यक्षतेखाली न्यू हायस्कूल तलवाडा ता.वैजापूर येथे पुण्यतिथी निमित्त कार्यक्रम आयोजित करण्यात आला होता.
याप्रसंगी विद्यार्थ्यांनी कै. विनायकराव पाटील आण्णा यांच्या जीवन कार्यावर प्रकाश टाकत त्यांच्या कार्याची माहिती आप आपल्या भाषणात व्यक्त केले.
जेष्ठ शिक्षक कोन्हेर नाडगौडा यांनी देखील आपल्या भाषणात मुळ संकल्पनेतून विनायकराव पाटील यांनी संस्थेची स्थापना कसी केली.याची सविस्तर माहिती सांगितली.तर पत्रकार हसन सैय्यद यांनी महाराष्ट्राचे भूषण राष्ट्रवादी काँग्रेस चे संस्थापक अध्यक्ष खा. शरदचंद्रजी पवार साहेब यांच्या राजकीय प्रवासात त्यांच्या जडणघडणीत विनायकराव पाटील यांचे मोलाचे सहकार्य लाभल्याचे यावेळी विद्यार्थ्यांना भाषणातून सांगितले.
सहशिक्षक गंगाधर तोटेवाड यांनी प्रास्ताविक भाषणात विनायकराव पाटील यांनी मोठ्या कष्टाने उभ्या केलेल्या संस्थेत आज घडीला ग्रामीण भागातील व शहरी भागातील लाखो विद्यार्थी शिक्षण घेत आहेत. आणि साडे पाच हजार शिक्षक, शिक्षकेतर कर्मचारी या संस्थेत काम करतात. विद्यार्थ्यांनी अभ्यास करून त्यांच्या विचारांचा वारसा पुढे येऊन जात ज्ञानार्जन करून पदरात ज्ञानाची भर पाडून घ्यावी. तरच कार्यक्रमाचे सार्थक होईल..
यावेळी मुख्याध्यापक संजय खरात, जेष्ठ शिक्षक कोन्हेर नाडगौडा, तुषार शिरसाठ, गंगाधर तोटेवाड, सुरेश गायकवाड, बाळासाहेब लिमकर, जयप्रकाश पवार, नरेंद्र पोटे, राजेंद्र जोर्वेकर, बबनराव निकम, हसन सय्यद, शंकर चव्हाण आदींची उपस्थिती होती.
कार्यक्रमाचे सूत्रसंचालन गंगाधर तोटेवाड यांनी तर आभारप्रदर्शन नरेंद्र पोटे यांनी केले…